Zoyir Mirzayev: "Qashqadaryo men uchun yangilik"

Қашқадарё вилояти ҳокими Зоир Мирзаев инсонларда талабчанлик руҳи кўтарилган деган фикрда. Бу ҳақда у Олий Мажлис Сенатининг йигирма бешинчи ялпи мажлиси вақтида QALAMPIR.UZга маълум қилди.

“Бошқарув тизимида ишлаш янгилик эмас, лекин Қашқадарё вилоятида ишлаш янгилик. Инсонларда талабчанлик руҳи кўтарилган.

Илгари бундай ҳолат бўлмаган. Халқимизда очиқ, ошкора раҳбарга масала қўйиш бу камдан-кам ҳолатларда бўлган. Буни ҳар кун, ҳар қадамда учратяпмиз. Исталган қишлоққа борсангиз халқнинг олдингизга қўядиган саволи бор. Сабаби йиллар давомида тўпланиб қолган масалалар. Албатта, бошқа бир маҳаллада чиройли бўлаётган кўчани кўрган халқ ўзининг маҳалласида ҳам кам бўлмаган даражадаги ҳолатни кўришни хоҳлайди. Бу замоннинг талаби”, – дейди вилоят ҳокими.

Шунингдек, Зоир Мирзаев Қашқадарё вилояти ҳокими сифатида ўз тааассуротларини ўртоқлашди.
“Таассурот шундайки, халқнинг мурожаати раҳбарни қайси йўналишда ишлашини ўзи белгилаб беряпти. Халқнинг мурожаатини эшитган одам ўз йўналишини топиб олади”, – дейди Зоир Мирзаев.

Эслатиб ўтамиз, Зоир Мирзаев жорий йилнинг 26 октябрида Қашқадарё вилоят ҳокими вазифасини бажарувчи этиб тайинланганди. Зоир Мирзаев бугунгача қатор давлат ташкилотларида раҳбарлик лавозимида фаолият олиб борган. Хусусан, Бош вазир ўринбосари – Ўзбекистон Республикаси Вазирлар Маҳкамасининг Қишлоқ ва сув хўжалиги, қишлоқ хўжалиги ва озиқ-овқат маҳсулотларини қайта ишлаш масалалари комплексининг раҳбари, Жиззах вилояти Шароф Рашидов тумани ҳокими, Йилқичилик ва от спорти федерацияси раиси лавозимларида фаолият юритган.
▬▬▬▬▬▬▬▬▬▬▬▬▬▬▬▬▬▬
INSTAGRAM ► https://instagram.com/Qalampir.uz
FACEBOOK ► https://www.facebook.com/Qalampir.uz
TELEGRAM ► https://telegram.me/Qalampir

Видео Zoyir Mirzayev: "Qashqadaryo men uchun yangilik" канала Qalampir UZ