КЫРГЫЗСТАНДАН КЫТАЙГА $180 МЛН АКЧА КАРАЖАТТЫ МЫЙЗАМСЫЗ ЧЫГАРГАН ШЕКТҮҮ КАРМАЛДЫ

Финансы полициясынын Чүй облусунун Сокулук жана Москва райондору боюнча кызматкерлери ыкчам издөө иш-чараларынын жүрүшүндө, товарларды төлөп берүү шылтоосу менен Кытайга 180 миллион АКШ долларынан ашык суммадагы ири өлчөмдө пландалган схема боюнча мыйзамсыз акча алып жаткан кылмыштуу топтун ишине бөгөт коюшту. Бул тууралуу Экономикалык кылмыштарга каршы күрөшүү мамлекеттик кызматынын басма сөз кызматы билдирди.

Тергөөдө аныкталгандай, Кыргызстандын аймагында ушул кылмыштуу топтун иш-аракетинин натыйжасында мамлекеттик бюджетке салыктан качуу түрүндө жалпы суммасы 1 миллиард сомдон (1 миллиард 100 миллион сом) ашыкча ири өлчөмдө зыян келтирилген.

Ушул жылдын 29-октябрында кылмышка шектүү делип А.У. аттуу жаран кармалып, ал №1 тергөө абагына камалды. Шектүү КЭРдин аймагына акча каражаттарын чыгарууну жүзөгө ашырган.

Учурда тергөө амалдары жүрүп жатат, жогоруда аталган схемага тиешеси бар чиновниктер жана бул каражаттын келип чыгышы аныкталууда.
Биздин сайт: https://eldik.media/
Facebook https://www.facebook.com/eldik.media/
Instagram : https://www.instagram.com/eldik.media/

Видео КЫРГЫЗСТАНДАН КЫТАЙГА $180 МЛН АКЧА КАРАЖАТТЫ МЫЙЗАМСЫЗ ЧЫГАРГАН ШЕКТҮҮ КАРМАЛДЫ канала 8 КАНАЛ