БИШКЕКТИН ТУРГУНУН САБАП, ТАПАНЧАДАН ОК ЧЫГАРГАН ШЕКТҮҮЛӨР КАРМАЛЫШТЫ

Бишкекте борбор калаанын тургунун сабаган шектүүлөр кармалды. Бул тууралуу Бишкек ШИИБдин Патрулдук кызматынын басма сөз кызматы билдирди.

Маалыматка ылайык, 17-октябрь күнү саат 02.00дө милиция кызматкерлерине Манас проспектисинде белгисиз адамдар эркек кишини сабап жатат деген билдирүү түшкөн. Окуя болгон жерге келген милиция кызматкерлери үч адам жергиликтүү тургунга кол салып, тапанча аткандыгын аныкташкан.

Кылмышка шектүү делип 27, 31 жана 25 жаштагы кылмышкерлер кармалып, Бишкек шаарынын Биринчи Май районунун ички иштер башкармалыгына өткөрүлүп берилди. Алардын биринен газ-травматикалык тапанча алынган.

Аталган факт КЖБРге катталып, Кыргыз Республикасынын Кылмыш-жаза кодексинин 266-беренеси “Бейбаштык” боюнча сотко чейинки өндүрүш башталды.
Биздин сайт: https://eldik.media/
Facebook https://www.facebook.com/eldik.media/
Instagram : https://www.instagram.com/eldik.media/

Видео БИШКЕКТИН ТУРГУНУН САБАП, ТАПАНЧАДАН ОК ЧЫГАРГАН ШЕКТҮҮЛӨР КАРМАЛЫШТЫ канала 8 КАНАЛ