Qalampir.uz: Jurnalistlar dushman emas

O'zbekistonda matbuot erkinligi uchun kurashning yana bir murakkab pallasi. Bu oy O'zbekiston Respublikasi Prezidenti huzuridagi Axborot va Ommaviy Kommunikatsiyalar Agentligi qator nodavlat ommaviy axborot vositalariga ogohlantirish xatlari yo'llab, ularni noprofessional faoliyatda ayblagan.

Kun.uz, Gazeta.uz, Qalampir.uz, Daryo.uz va boshqalar o'z jurnalistlari va materiallarini himoya qilmoqda.
Hukumat matbuotga qizil chiziqlarni eslatib, bosimni ushlab turibdi.

Qalampir.uz asoschisi va direktori Qamariddin Shayxov "Amerika Ovozi" bilan muloqotda deydiki, bugungi jurnalistika bugungi O'zbekistonni aks ettiradi. O'tgan to'rt-besh yilda xalq ishonchini qozongan yangi matbuot naqadar xolis va haqqoniy ma'lumot berish mumkin bo'lsa, shunga harakat qilmoqda. Davlat esa ularning taraqqiy etishi va professionallashishi uchun yordam berib quvvatlash o'rniga, ularni qo'rqitish bilan band.

Bugungi bosimlar ortida kimlar va qanday siyosiy-ijtimoiy omillar turibdi? Prezident Shavkat Mirziyoyev bir tomondan matbuot kuchaysin va olg'a siljisin, deydi. Ikkinchi tomondan esa hukumat matbuot ustidan nazoratni keskinkashtirmoqda. Muddao nima? Navbahor Imamova Qamariddin Shayxov bilan bu borada ham gaplashdi.

Видео Qalampir.uz: Jurnalistlar dushman emas канала @AmerikaOvozi