Olloqulov: Prezidentlik saylovlarida qatnashish qarorimiz qat’iy

O’zbekistonda shakllanayotgan yangi siyosiy kuch, “Haqiqat va taraqqiyot” partiyasi o’z tashkiliy qo’mitasi yig’ilishini o’tkazishga ikkinchi bor urinib ko’radi. Partiya yig’ilishini 29-yanvar kuni Toshkentda o’tkazish belgilangan. Partiya tarafdorlariga, mamlakatdagi diplomatik korpuslar vakillariga, jurnalist va blogerlarga takliflar yuborilgan.

Ammo partiya yig’ilishi muvaffaqiyatli o’tishi yuzasidan xavotirlar ham mavjud, ayniqsa uning birinchi urinishi keskin qarshilikka uchragani inobatga olinsa.

Bundan qat’i nazar “Haqiqat va taraqqiyot” partiyasi lideri, professor Xidirnazar Olloqulovning bu safar yig’ilish bo’lib o’tishiga ishonchi komil. Uning “Amerika Ovozi”ga aytishicha, partiya vaqtni boy berish niyatida emas, O’zbekistonda bu yil kutilayotgan prezidentlik saylovlarida qatnashish qarorida qat’iy.

Видео Olloqulov: Prezidentlik saylovlarida qatnashish qarorimiz qat’iy канала @AmerikaOvozi