РТдан ваъз: Тепаларимизни қайтариб олайлик

Арипов 300 дан зиёд жой номини ўзгартирмоқчи. Ўтган йили Мирзиëев Андижондаги Бўз тумани номини Бўстон деб ўзгартирган эди.

Бу кишига ëқмабди бўз. Бўзчи белбоққа ëлчимаса ҳам бўзчининг хотинию қизлари атлас иштон кийиб юришаркан қадимда.

Расман камбағал давлат мақомига биз Мирзиëев даврида эришганимизни ва жаҳон жамиятига «садақа беринг» деб қўл чўзиб турганимизни ҳам унутмайлик. Итнинг номи маржон қўйилганидан ит ҳам маржон ҳам йиғлаган экан.

Бўз номини Бўстон қилганимиз билан йўллар асфальт бўлиб қолмайди. Бу йўлларда юрадиган машиналарнинг қимматлигидан машиналарнинг ўзи ҳуркиб, тормоз бўлиб қолмоқда.

Бундан олдин, бу “ақлли” призидент, - ўз пайтида Каримовга ойболта бўлиб, одамларни қақшатиб, буюк келажак прораби бўлган Мирзиëев «Тўйтепани Нурафшонга айлантиринг!» деб амр берган эди.

Мирзиëев амрини шотирлари “шессекундда” вожиб қилишди.

Ақли товуқдан бошқа нарсага етмайдиган парламент деган йиғноқ ўйлаб ҳам ўтирмай, Тўйтепанинг номини ярим форс, ярим арабий Нурафшон деган чучмал жумлага алмаштирди қўйди.

Билгичлар “парламент эмас Шавкат Мирзиëев алмаштирди номни” дея асосий ЗИËН манбаига диққатимизни қаратишмоқда.

Бу гап ҳам тўғри. Ўз вақтида Гулнора Каримованинг халқаро ширкатларга уяли телефон частоталарини бериш билан боғлиқ пора олди берди жанжалларида фигурант бўлгани ортидан ишдан қувилган ва Мирзиëев келгач, пилиги кўтарилган монтер Арипов тарихий номлар аҳамиятини қаердан ҳам билсин.

Зар қадрини заргар билар, чилангар нени билар.

Видео РТдан ваъз: Тепаларимизни қайтариб олайлик канала El Tuz