Навуковая спадчына Інстытута беларускай культуры. Даследаванні прыроды і гаспадаркі

Віртуальная выстава выданняў. Навуковая спадчына Інстытута беларускай культуры. Раздзел 4

У канцы 1923 г. была арганізавана і ў пачатку 1924 г. зацверджана Агранамічная секцыя (Аграсекцыя), якая паслужыла мадэллю для іншых секцый у Інбелкульце. Яна павінна была рэалізоўваць задачы па ўсіх галінах сельскай гаспадаркі (культура раслін, меліярацыя, жывёлагадоўля, эканоміка земляробства і г. д.). Працу Аграсекцыі працягнула Сельскагаспадарчая секцыя (яна, дзейнічала з 1925 да 1927 г.), пазней ператварылася ў самастойны Беларускі навукова-даследчы інстытут сельскай і лясной гаспадаркі.

Увага Прыродазнаўчай секцыі Інбелкульта засяроджвалася на вельмі надзённых для БССР даследаваннях глеб і карысных выкапняў на тэрыторыі краіны. У Інбелкульце таксама актыўна праводзіліся біялагічныя і батанічныя даследаванні. Акрамя вывучэння беларускай прыроды Інбелкульт старанна вывучаў і насельніцтва краіны – праводзіліся даследаванні ў галінах антрапалогіі, псіхалогіі, медыцыны і санітарыі.

Сярод вядомых беларускіх навукоўцаў, працуючых у накірунках секцый, былі такія выдатныя асобы як Аркадзь Смоліч, Міхаіл Грамыка, Анатоль Фядзюшын, Барыс Тэрлецкі (Цярлецкі), Мікалай Бліядухо, Якаў Афанасьеў і іншыя.

Друкаваныя выданні структурных адзінак Інбелкульта, якія вывучалі прыроду і гаспадарку Беларусі, дэманструюць шырокі спектр даследчых кірункаў Інбелкульта, перадавыя навуковыя падыходы беларускіх навукоўцаў і іх плённую працу на карысць маладой беларускай дзяржавы.

Уся выстава складаецца з пяці раздзелаў. Азнаёміцца з ёй у віртуальным фармаце можна на старонках праекта ЦНБ НАН Беларусі Інбелкульт–100 (https://csl.bas-net.by/inbelcult/exhibition.html)

Наша группа в ВК: https://vk.com/csl_by
Наша группа в ФБ: https://www.facebook.com/CSL.by
Наша группа в Инстаграм: https://www.instagram.com/cnbnanb/

Видео Навуковая спадчына Інстытута беларускай культуры. Даследаванні прыроды і гаспадаркі канала ЦНБ НАН Беларуси