Туркманистонда янги жиноят тури аниқланди

Туркманистонда янги жиноят тури аниқланди

Дашўғиз ва Туркманобод бозорларида жамоат жойларини фото ва видеога олган харидорлар ушланмоқда. Шундай ҳодисалардан бири Дашўғиздаги йирик бозорлардан бирида юз берди.
"Ходимлар ўз телефони орқали видеога ёки расмга олган йигитни менинг кўз ўнгимда қўлларини қайириб олиб кетишди. Йигит эътироз билдирганига қарамай, улар уни ҳудуддан ташқарига олиб чиқишди-да, машинага ўтқазишиб, олиб кетишди. Йигит нималарни телефони орқали суратга олгани ҳақида бирор нарса дейиш қийин, аммо бу ҳодиса мевалар турган пештахта олдида юз берди, менимча йигит ажойиб сурат олмоқчи бўлган", - дея хабар беради ҳодиса гувоҳи бўлган «Озодлик»нинг минтақадаги мухбири.
«Озодлик» мухбирларининг хабар қилишларича, бу каби "қўрқинчли ҳаракатлар" тез-тез учраб туради. Уларнинг фикрича, бу хавфсизлик хизмати ходимларининг «Озодлик» ва бошқа сайтларга Туркманистондан фото ва видео жўнатаётган одамларни қидириши билан боғлиқ.
Сўнгги вақтлардаги энг асосий маҳсулотларнинг етишмаслиги тез-тез учраган, баъзи жойларда нон чекланган миқдорда паспорт билан сотилди, бу аҳолининг турмуш даражасини пасайишга ва коррупцияни ошишига олиб келди.
Албатта Туркманистон сиёсати муаммоларни ҳал қилиш эмас, муаммоларни яширишдир. Давлат ОАВлари мамлакат бўйлаб озиқ-овқат мўл-кўллигини намойиш этади. Бундай ёлғонларни олдини олувчи жиноятлар билан кураш мақсадида, фотосурат ишқибозларини ҳам жиноятчилар қаторига қўшмоқдалар.

Видео Туркманистонда янги жиноят тури аниқланди канала Central Asia Media