Аллергик тумов ва уни даволаш.

Аллергик тумов ва давоси
аллергик тумов бурун қичиши, битиши ва акса уриш

Ассалому алайкум ушбу телефон рақамим +99897-702-52-85 рақамга қунғироқ қилиб, ёки телеграммга ёзиб маслахатга келинг. Беморларни Тошкент Тиббиёт Академияси куп тармоқли клиникаси филиали (Эски ТашМИ) адресс Тошкент шахар Яшнообод тумани Махтумқули кучаси 103 да қабул қиламан. Қабул вақтим 9-00 дан 12 гача. Ёдингиздан чиқмасин онлайн маслахат юзма юз маслахатни ўрнини боса олмайди. Шунинг учун онлайн маслахат бермайман

Аллергик тумов хозирда бутун дунё соғлиқни сақлашининг асосий муаммоларидан бири бўлиб турибди. Аллергик тумов билан сайёрамизнинг 40% гача ахолиси азият чекади.(Schoenwetter W.F. 2000). Аллергик тумов симптомлари бурун битиши, бурундан сув келиши натижасида беморнинг хаёт сифати кескин тушиб кетади. Беморни уйқуси бузилади, иш қобилияти пасаяди ва бемор доимий чарчоқ холда юрадиган бўлиб қолади.
Аллергик тумов қандай касаллик?
Аллергик тумов бурун шиллиқ қаватининг аллерген таъсирида яллиғланишидир.
Аллергик ринит икки тури мавжуд.

• Мавсумий аллергик ринит - аломатлар одатда йилнинг маълум вақтларида аниқ бир усимликларга боглиқ равишда ривожланади. Баҳорда,ёзда, кузда қузиши мумкин.
• Мавсумийлик хос бўлмаган аллергик ринит-аллергия симптомлари йил фаслларига караб эмас, инсонни уйда ва ишда ураб турувчи маълум бир қузғатувчи яни аллергенга боғлиқ равишда намоён бўлади.

Аллергияни аллергинлар қузғатади. аллергинлар узи нима?
Аллергинлар-аллергияни қузғатувчи моддалардир.
Асосий аллергенлар:
1. Усимлик чанглари. Асосан 3 та мавсум мавжуд: Бахорда айрим дарахтлар (қайин, терак,ёнғоқ, эман) чангланаётган вақти, ёзнинг биринчи ярмида бошоқли усимликлар чангидан (жавдар ва бошқ), Кузда эса бегона ўтлар (шувоқ ва бошқ)
2. Уй чанги каналари, хайвонларнинг эпидермал аллергенлари, моғор замбуруғлари
3. Инсоннинг иш фаолияти билан боғлиқ аллергинлар: масалан: Ун,медикаментлар, химикатлар,пар ва патлар,латекс ва бошқалар.

В
Аллергик тумовнинг асосий клиник белгилари:
• Бурун битиши.
• Бурундан тиниқ сувли ажралма келиши
• Тез-тез акса уриш, кўпинча хуружсимон,купинча эрталаб ёки спонтан келиб қолади.
• Бурунда қичишиш, ачишиш булиши.Қичишиш танглайда, қулоқда ва томоқда бўлиши мумкин.
• Хид сезишни камайиши
Аллергик тумовнинг умумий белгилари:
• Холсизлик, қузғалувчанлик, уйқусизлик
• Бош оғриши, тез чарчаб қолиши, диққатни камайиши
• Уйқу бузилиши, кайфият тушуши
Ташхислаш
Бемор шикоятлари тинглангандан кейин бурун шиллиқ қавати куздан кечирилади, бурун ажралмасидан суртма олиш ва қон анализи буйирилади.Ундан ташқари беморга бурун ёндош бушлиқлари рентгенографияси ёки компьютер томографияси амалга ошириш буюрилиши мумкин.
Аллергия нимаси билан хавфли?
Бу касаллик хаёт сифатини анча туширсада ўз ўзидан хавфли эмас, лекин даволанмаса, бронхиал астма, бурундаги полиплар ва бурун ёндош бўшлиқлари кисталари , эшитишнинг бузилишига олиб келиши билан хавфлидир.

Аллергик ринит даволаш принциплари қандай?
1. Аллергенинг (яъни аллергия қузгатувчи моддаларнинг) организмга тушишини олдини олиш керак.
2. Аллергияга қарши яъни антигистамин дори воситалари қабул қилинади.
3. Назал кортикостероидлар яни бурунга сепилувчи гормонал дори воситалари.(флутиказон фуроат, флутиказон пропионат)
4. Бурунни физиологик яъни натрий хлориднинг 0,9% эритмаси билан бурунни ювиш жуда яхши ёрдам беради.
5. Айрим беморларда бурун битиши аллергик тумовда доимий тус олади. Бундай беморларда пастки чиганоклар ридиотулқинли вазатомияси амалга оширилади.
🌐http://loras.uz
Doktor Azizbek Butaev.
https://t.me/drbutaev
☎️ +998977025285

Youtube: https://clck.ru/N9RpK

Видео Аллергик тумов ва уни даволаш. канала Dr Butaev