Ramiz Rövşən - Tənhalıq - Kamran M. Yunis

Bəstəkar - Emil Şahin - Xatirələr
Ramiz Rövşən - Tənhalıq

Tənhalıq başlayır burdan o yana,
Keçdikcə keçilməz, atam balası.
Ayları, illəri tutsan boyuna,
Çayları, çölleri tutsan boyuna,
Ölçdükce ölçülməz , atam balası.
Daha çoxlarıyla aram sərinlər,
Çoxları boynuma sevinməz daha.
23 yaşımda meni sevənlər
33 yaşımda sevəmməz daha.
Mən axı nə Çöləm, nə Yol, nə küçə,
Mən axı hamının ola bilmərəm.
Məni sevənlərdən ötrü ölüncə
23 yaşımda qala bilmərəm.
Nə qədər sözlər var sözümdən cavan,
Daha çığırmağa nəfəsim gəlmir.
Daha bu dünyada özümdən cavan
Şeirlər yazmağa həvəsim gəlmir.
Kiriyir, yumşalır şeirlərim də,
Qocalır misralar, sözlər mənimlə.
Dostlar cavan qalır şeirlərimdən,
Qocalmaq istəmir dostlar mənimlə.
İlahi, qocalıq buymuş deməli,
Dostlardan səssizcə qırılır adam.
Ömür bir bulantıq suymuş deməli,
Ömür azaldıqca durulur adam.
İçimin çölümün yuyulur pası,
Sətirlər göyərir bu ağ varaqda.
Nə çoxmuş ürəklə elin arası,
Nə yaxşı ölmedim bu aralıqda.
Sözlər ürəyimdən əlime yetdi,
Bir azca soluxdu-soldu, nə olar.
Bir azca şaxlığı-şuxluğu itdi,
Heç kəs qinamasın, yoldu, nə olar.
Daha balta kəsməz ağlım kəsəni,
Dünyanın dadını bilirem daha.
Bu qoca dünyada hər nəfəsimi
Ağacdan meyvətək dərirem daha
Son nəfəs dünyada her şeyden şirin,
Şair de qocalır, ölür, bilirəm.
Sözünden qan iyi gələn şairin
Ağzından süd iyi gelir, bilirəm.
Bu dünya bir qaynar qazanmış demə,
Sözümdez odunu nə qar, nə yağış.
Dünyayla dalaşmaq asanmış demə,
Çətini dünyayla barışmağıymış.

Видео Ramiz Rövşən - Tənhalıq - Kamran M. Yunis канала Kamran M. YuniS