სამუშაო ვიზიტი სოფელ პერევში

30-31 ივლისს, პროექტის "ქალები, თანასწორობის, მშვიდობისა და განვითარებისათვის" ფარგლებში განხორციელდა სამუშაო ვიზიტი საჩხერის მუნიციპალიტეტში, კერძოდ სოფელ პერევში. ქალთა საინფორმაციო ცენტრის წარმომადგენლები, საჩხერის მუნიციპალიტეტის გამგეობის წევრებთან ერთად მუშაოდნენ პრობლემური შემთხვევევბის გამოსავლენად .

ეს იყო ერთობლივი ვიზიტი, რომლის მიზანი საჩხერის მუნიციპალიტეტში სოციალურად დაუცველი ოჯახებისა და თემის პრობლემების იდენტიფიკაცია იყო. სამუშაო ჯგუფს, ადგილობრივი თემის ტერიტორიული ორგანოში გამგებლის წარმომადგენლები, ბენეფიციარების პრობლემებს აცნობდნენ.

ადმინისტრაციულ ერთეულში სოციალურად მძიმე მდგომარეობაში მყოფი ოჯახების ძირითად პრობლემას წარმოადგენს სოციალური დახმარების მიღება. თემში გამოვლენილი პრობლემური შემთხვევები ერთი ფანჯრის პრინციპის საკონსულტაციო შეხვედრაზე იქნება განხილული, რომლის ორგანიზებას საჩხერის მუნიციპალიტეტი ქალთა საინფორმაციო ცენტრთან ერთად უახლოეს პერიოდში გეგმავს.

პრობლემების გადაჭრის გზების მოსაძებნად საჩხერის მუნიციპალიტეტის გამგეობაში გაიმართება ერთი ფანჯრის პრინციპის საკონსულტაციო შეხვედრა და სხვადასხვა უწყების წარმომადგენლების მონაწილეობით განხილული იქნება აღნიშნული პრობლემები.

Видео სამუშაო ვიზიტი სოფელ პერევში канала WIC ORG