Erməni general Rusiyanı kəskin ittiham etdi - Baku TV

Erməni general Rusiyanı kəskin ittiham etdi - Baku TV
Vaxtilə Qarabağdakı separatçı rejimin “müdafiə naziri” olmuş generalı Samvel Babayan Ermənistanın yerli televiziyasına müsahibəsində Vətən müharibəsindəki məğlubiyyətə görə birbaşa Rusiyanı ittiham edib.

Samvel Babayan əvvəlcədən sifariş edilməsinə baxmayaraq, Rusiyanı “Tor” zenit-raket komplekslərinin təchizatını müharibə vaxtı qəsdən gecikdirməkdə də günahlandırıb.

Erməni generalı xatırladır ki, oktyabrın 26-da və 27-də fəal danışıqlar gedirdi. Azərbaycan tərəfi bildirirdi ki, Şuşanı azad edənə qədər dayanmaq niyyətində deyil. Ona görə də Babayanın fikrincə, Rusiya zenit-raket komplekslərinin təchizatını ləngitməklə vaxtı uzatmaq istəyirmiş.

Onu da qeyd edək ki, Samvel Babayanın Ermənistanın məğlubiyyətinin səbəbini Rusiyanın “Tor” komplekslərinin təchizatını gecikdirməsi və ya nasaz “Buk” komplekslərinin təklif edilməsi ilə əlaqəli olduğunu deməsi sadəcə bəhanədir. Çünki Azərbaycan müharibənin elə ilk saatlarındaca Ermənistan ordusunun Qarabağdakı hava hücumundan müdafiə komplekslərinin çoxunu məhv etdiyini Babayan özü etiraf edir. O zaman daha bir neçə “Tor” və ya “Buk” komplekslərinin döyüş meydanına daxil olması heç nəyi dəyişməyəcəkdi.
Azərbaycan Ordusunun yüksək dəqiqlikli müasir silah sistemləri və ya tətbiq etdiyi müasir müharibə taktikası Ermənistan ordusunun S-300 zenit-raket kompleksləri də daxil olmaqla hava hücumundan müdafiə vasitələrini döyüşə girmədən yerindəcə zərərsizəşdirdi.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Erməni general Rusiyanı kəskin ittiham etdi - Baku TV канала Baku TV