ԻՐԱՆԸ ՀԱՅԱՍՏԱՆԻ ՀԱՄԱՐ ԱՐԴԵՆ ՉԿԱ․ Եթե անգամ թուրքը ոսկի լինի, գրպանդ չգցես, կծակի, դուրս կգա

Իրանի հետ մեր տնտեսական փոխհարաբերությունները, ստորագրված նախագծերը կյանքի չեն կոչվում, Իրանը նախաձեռնություն չի ցուցաբերում, բայց քանի որ մենք ավելի շահագրգռված ենք, մենք պետք է ավելի ակտիվ լինեինք այս ոլորտում: Ես միշտ նշել եմ, որ երբևէ երկրի դեսպան նշանակելով չենք մտածել՝ նշանակենք այնպիսի դիվանագետի, որ կարողանա տվյալ երկրի առանձնահատկությունները հաշվի առնելով ակտիվացնել համագործակցությունը, մասնավորապես, էներգետիկ ոլորտում: Քանի որ այս ոլորտում Իրանը Ռուսաստանի մրցակիցն է, Ռուսաստանը դեմ է եղել, Իրանն էլ մտածում է՝ լավ, քանի դեռ հայերը բան չեն ասում, մենք էլ բան չանենք:
Ինչ վերաբերում է Ադրբեջանին, նախ՝ Ադրբեջանը շնորհակալություն հայտնեց Իրանին պատերազմի ընթացքում ճիշտ քաղաքականություն վարելու համար: Դրանից բացի, Իրանի հեղափոխության պահապանների գվարդիայի փոխհրամանատարի և Թեհրանում ուրբաթօրյա աղոթքների առաջնորդի մասնակցությամբ տեղի ունեցավ ադրբեջանցի զոհվածների համար հոգեհանգստյան արարողություն: Այնտեղ ուրախություն են հայտնել, որ «չարագործ, բռնարար, թալանչի» Հայաստանից ազատագրել են Ադրբեջանին պատկանող տարածքները: Բացի այդ, Ադրբեջանը հայտարարել էր, որ Ղարաբաղի վերականգնման համար դիմում է բարեկամ երկրներին: Ադրբեջանի առևտրի պալատի նախագահը հայտարարեց Իրանի առավելությունները, նախընտրելիությունն այդ հարցում: Բնականաբար, այս գործընթացը շարունակվում է, Իրանը չի ուզում դուրս մնալ էներգետիկ և այլ գործընթացներից, որը կա տարածաշրջանում: Ես այսպես եմ հասկանում, որ Իրանը Հայաստանի համար արդեն չկա, և Իրանի ուղղությամբ որևէ գործունեություն չի ծավալվում: Իսկ Ադրբեջանը շատ ակտիվ է Իրանի հետ համագործակցության ոլորտում: Պատերազմից հետո Ադրբեջանի ԱԳ նախարարի այցը տեղի ունեցավ Թեհրան, որը երկու կողմն էլ շատ կարևոր համարեցին:

Նյութի աղբյուր՝ 1in.am

#lurer #arcax #iranhayastan #adrbejaniran #mexrihek #verjinlurer

Видео ԻՐԱՆԸ ՀԱՅԱՍՏԱՆԻ ՀԱՄԱՐ ԱՐԴԵՆ ՉԿԱ․ Եթե անգամ թուրքը ոսկի լինի, գրպանդ չգցես, կծակի, դուրս կգա канала Banber News