Степногор қаласындағы 13 кәсіпорын индустрияландыру картасына енді

Нәтижесінде 1200-ден астам жаңа жұмыс орны ашылды.

Ақмола облысындағы шағын шаһарға біздің тілшілеріміз баспасөз туры аясында ат басын тіреп, бірқатар өндіріс ошақтарының жұмысымен танысып қайтты.

Достық Талғатұлы, тілші

-Степногор қаласында ең бірінші аяқ басқан кәсіпорын бұл – пестицид шығаратын серіктестік. Мұнда жылына 5 млн литр өнім өндіріледі. Оның 70 пайызы Еуразиялық экономикалық одақ елдеріне экспортталады. Ал қалған 30 пайызы ішкі нарыққа бағытталған. Айта кету керек, биыл кәсіпорын 10 млн литр тыңайтқыш шығаруды көздеп отыр. Мұнда осы күні 150-ге жуық адам жұмыс істейді.

Андрей Скутин, кәсіпорын директорының орынбасары

-Биыл біз жаңа өнім түрін шығарамыз. Ол арқылы дақылдардың ауруымен күресуге мүмкіндік береді. Ол – Қазақстанда осыған дейін болмаған жаңа өндіріс. Егер біз 2010 жылы пестицидтың небары 6 түрін ғана шығарсақ, биылдан бастап 35 түрлі тыңайтқыш өндіруді көздеп отырмыз.

Екінші болып бас сұққан кәсіпорын бұл – Степногор подшипник зауыты. Мұнда бүгінде 2 мыңға тарта адам тұрақты еңбекпен қамтылған. Кәсіпорын жылына 2 млн подшипник шығаруға қауқарлы. Бұған дейін зауыт шығаратын подшипник тек вагон құрастыруда қолданылса, енді түрлі техника үшін жарамды.

Анатолий Томилов, зауыттың бас директоры

-2014 жыл біз үшін өте қиын болды. Себебі вагондар жаңарып, біздің өнімге деген сұраныс төмендеді. Жұмыс бағыты өзгергендіктен, яғни түрлі техникаға арнап подшипник шығара бастағасын өсім байқадық. Биыл өнім көлемін 50 пайызға арттыру көзделген. Алғашқы тоқсан өте сәтті басталды. Подшипник сапасы өте жоғары.

Достық Талғатұлы, тілші

-Бүгінде Степногор – 66 мың тұрғыны бар шағын қала. Мұнда Үдемелі индустриялды инновациялық даму бағдарламасы аясында құны 30 млрд теңге тұратын 13 ірі жоба жүзеге асырылды.

Авторлары: Достық Талғатұлы, Еркебұлан Тілеуғазы

Видео Степногор қаласындағы 13 кәсіпорын индустрияландыру картасына енді канала Khabar Novosti