Аяз ата мен Ақшақарды шақырту үшін қанша ақша керек?

Жаңа жыл мерекесін Аяз ата мен Ақшақарсыз елестету мүмкін емес. Мерекенің бас кейіпкерлерін, әсіресе кішкентай балалар асыға күтеді. Бұл күні бүлдіршіндер ән айтып, тақпақ жаттап Аяз атамен кездесуге қызу дайындалады. Ал, балақайларға көңіл-күй сыйлайтын Аяз ата мен Ақшақарды шақырту үшін қанша ақша керек? Мереке күндері қызатын кәсіпті нәсіп еткендер туралы не білеміз? Тақырыпты әріптесім тарқатсын.
Жаңа жыл балақайлар үшін ғажайыпқа толы мереке. Аяз атаны шанамен ұшып келіп, сыйлық беретініне сенбесе де, бұл күнді бүлдіршіндер асыға күтеді. Сержан Баймұратов пен Ақбөбек Жанәділова он жылға жуық уақыт Аяз ата мен Ақшақар болып балаларға қуаныш сыйлап жүр. Биыл да олар кішкентайлардың көңіл-күйін көтеруге тас-түйін дайын.
АҚБӨБЕК ЖАНӘДІЛОВА, ақшақар:
– Он жылдан астам уақыт Ақшақардың кейіпкерін сомдаудамын. Ақшақар Аяз атаның немересі. Ертегілерден құралған. Өзіме ұнайды. Балаларға көңіл-күй сыйлау, балалардың риязсы көңілін көтеру, күлкісін көрудің өзі біздерге жасап жатқан жұмысымызға үлкен мотивация деп айтсақ болады. Бір уақытта өзің де бала болып кетесің, балалардың күлкісін көргенде, әдемі тақпақтарын естігенде. Өзіңде сол әлемде жүргендей боласың.
СЕРЖАН БАЙМҰРАТОВ, аяз ата:
– Балабақшада, осындай көшеде халықтың көңілін аулап жүрміз. Қазір көбі біледі Аяз ата емес екенімізді. Сонда да біз балалардың көңілін аулап, тақпақтарын тыңдап, сыйлығын беріп, көңілдерін көтеру мақсатымыз.
Сержан Баймұратов мереке қарсаңында тапсырыстар күрт көбейетінін жасырмайды. Әсіресе балабақша бүлдіршіндері мейірімді атаны ерекше күтетінін айтады. Ал Жаңа жыл жақындаған кезде балаларына қуаныш сыйлағысы келетін ата-аналар жиі хабарласады екен. Аяз ата кейпіне енетін жігіт дәл мереке күні 5-6 үйге баруды жоспарлап отыр.
СЕРЖАН БАЙМҰРАТОВ, аяз ата:
– Жаңа жыл жақындағаннан бастап көп үйлерде ата-аналар балаларының көңіл-күйлерін көтеру үшін сыйлықтарын дайындап қояды. Сол жерге барып құттықтау айтамыз. Негізі бір Аяз атаның құттықтауы 20 мыңнан басталады.Семьясымен баратын болса 30-40 мың болады.
Он жылға жуық уақыт кішкентайларға қуаныш сыйлап жүрген жандар Аяз ата мен Ақшақардың рөлін сомдау үлкен жауапкершілік екенін айтады. Себебі, балаларды сендіріп, көңілін аулау оңай шаруа емес дейді.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал

Видео Аяз ата мен Ақшақарды шақырту үшін қанша ақша керек? канала Информбюро 31