Бурабайға демалуға барған астаналық оқушы ажал құшты

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Бурабайға демалуға барған астаналық оқушы ажал құшты. Демалыс орнына сыныптастарымен келген жеткіншек велосипед тізгініне ие бола алмай, ағашқа соғылған. Ауыр жарақат алған 10-шы сыныптың баласы оқиға орнында көз жұмды. Қазір қылмыстық іс қозғалып, қайғылы жайттың мән-жайы анықталып жатыр. Ал БИНОМ жекеменшік мектебінің оқушыларын курорттық аймаққа кім жіберген? Білім ошағының басшылығы не дейді? Өңірдегі әріптесім толығырақ айтып берсін.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:

Астана мектептерінің бірінде оқитын 18 оқушы жексенбі күні Бурабайда демаламыз деген жоспармен жолға шыққан. Полицияның мәліметінше, балалар демалыс орнында велосипедтерді жалға алған екен. Серуендеп жүрген оқушылардың бірі тізгінге ие бола алмай қалып, ағашқа соғылған. Қатты соққыдан ауыр жарақат алған жеткіншек сол жерде көз жұмған.
ӘЛИЯ БІЛӘЛОВА, Ақмола облысы полиция департаменті баспасөз қызметінің жетекші маманы:
– Алдын ала анықталғандай кәмелетке толмаған бала велосипедті жалға алған. Онымен бара жатқанда ағашқа соқтығысқан. Алған жарақаттардан оқиға орнында қайтыс болды. Сараптамалар тағайындалды. Тергеп-тексеру жалғасуда.
Белгілі болғандай курорттық аймаққа Астанадағы БИНОМ жекеменшік мектебінің 10-шы сынып оқушылары барған екен. Олардың жанында ата-аналары, сынып жетекшісі мен тағы бір мектеп мұғалімі болған көрінеді. Алайда білім ошағының басшылығы балалар мектеп әкімшілігін ескертпей, дем алуға шыққан деп отыр.
Қ.СӘТБАЕВ АТЫНДАҒЫ BINOM МЕКТЕБІНІҢ БАСПАСӨЗ ҚЫЗМЕТІ:
– Сапарды ата-аналар комитеті мен сынып жетекшісі ұйымдастырған. Және мектеп әкімшілігімен келісілмегенін ескертеміз. Мектеп әкімшілігі марқұмның отбасы мен жақындарына шын жүректен көңіл айтады. Бұл бәріміз үшін орны толмас қаза. Қазір құқық қорғау органдары оқиғаның барлық мән-жайын анықтау үшін тергеу амалдарын жүргізіп жатыр. Біз өз тарапымыздан тергеуге көмектесу үшін бар күшімізді саламыз.
Айта кетейік, өткен жылдың қаңтарында да осыған ұқсас қайғылы оқиға болған еді. Айтыскер ақын Серікзат Дүйсенғазының жалғыз ұлы «Елікті» тау шаңғысы базасында шаңғы теуіп жүріп, ағашқа соғылған. Қауіпсіздік ережелері сақталмаған демалыс орнында тағы бір адамның денсаулығына зақым келген. Өткен аптада сот шешімімен аталған курорттың директоры 4 жылға бас бостандығынан айырылған болатын.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

Видео Бурабайға демалуға барған астаналық оқушы ажал құшты канала Информбюро 31