Արցախում կրակոցից մահացած 21-ամյա զինվորի հարազատներն ասում էին. «Օձը տաքացնողին է կծում»

Այսօր՝ հոկտեմբերի 16-ին, Գյումրի քաղաքի բնակիչներ Արմեն Բեգլարյանն ու Հարություն Հարոյանը իրենց վրդովմունքն էին հայտնում Արցախի պաշտպանության բանակում ծառայության ժամանակ հոկտեմբերի 1-ին հրազենային վնասվածքի հետևանքով մահացած 21-ամյա Գևորգ Հարոյանի մահվան փաստով հարուցված քրեական գործի նախաքննության վերաբերյալ։ Ֆոտոլրագրող Գագիկ Շամշյանի հետ զրույցում Գևորգի քեռին՝ Ա. Բեգլարյանն ասում էր. «Արցախի պաշտպանության բանակն այնպիսի անհեթեթ ու անիրական հայտարարություն է տարածել, որ անգամ եփած հավի ծիծաղը կգա։ Ասում են, որ Գևորգը ինքնասպան է եղել։ Անգամ ոչ մասնագետները, լինելով դեպքի վայրում ու ծանոթանալով դեպքի նյութերին, կասեն, որ ոչ մի ինքնասպանություն էլ չկա։ Մենք վստահ ենք, որ Գևորգին սպանել են։ Մենք հարազատներով շատ լավ գիտենք, թե ինչն ինչոց է, ովքեր են իրական մեղավորներն ու ով է մարդասպանը։ Պարզապես մինչև այսօր հավատացել ենք, որ օբյեկտիվ նախաքննություն կկատարվի և մեղավորները պատասխանատվության կենթարկվեն, ինչը դաս կլինի, որպեսզի հետագայում ոչ մի ծնող չսգա իր ծառայող զինվոր բալի անհեթեթ մահը»։

Մանրամասները` http://shamshyan.com/hy/article/2018/10/16/1107751/

Видео Արցախում կրակոցից մահացած 21-ամյա զինվորի հարազատներն ասում էին. «Օձը տաքացնողին է կծում» канала Gagik SHAMSHYAN