ERKINJON TURDIMOV PREZIDENT TOPSHIRIG'INI, QONUNLARNI, OLIY SUD QARORINI BIR TIYINGA OLMAYDIMI???

1. Nega tadbirkor onlayn-auksionda g’olib bo’lib, mazkur mulkni sotib olganidan keyin Turon bank va “Agroservis” mas’uliyati cheklangan jamiyat o’rtasidagi bo’lib o’tgan tuman, viloyat sudlarida sudyalar ishni “Agroservis MChJ” tomonga hal qilgan-u, Turon bank tomonidan avval boshdan taqdim etilib kelingan asoslar, faktlar Oliy sud tomonidan ko’rilganda davogar “Agroservis MChJ”ning keltirgan vajlari asossiz deb topiib, yakuniy sud ishi qarorida Turon bank asoslariga ko’ra bankning foydasiga hal etilgan?

2. Xo’sh, bunday vaziyatda hokim yana qaysi sudga murojaat qilmoqchi? Axir shahar va Samarqand viloyat sudyalari sud ushini adolatsiz hal qilganini Oliy sud sudlayalari barcha asoslar bilan qayta tanishib chiqib Turon bank haq ekanini 2020 yil 20- martidagi o’z qarorida oyday ravshan qilib yozib qo’yibdi-ku. Emish, yaqin kunlarda yana sud bo’larmishda ushbu onlayn-auksionni bekor qildirarmish. Xo’sh, bularni kuzata turib bundan nimani hidi kelyapti deyish mumkin?

3. Xo’sh, mazkur tadbirkor qo’lida hukumat tomonidan qabul qilingan mol-mulkni elektron-onlayn auksionga qo’yish uchun asos bo’lgan ijro hujjati, ya’ni Samarqand shahar Iqtisodiy sudi tomonidan berilgan 2018 yil 29 oktabrdagi 1-1401-1802/2354-sonli ijro hujjati va bu ijroni ta’minlash uchun O’zbekiston respublikasi bosh prokuraturasi huzuridagi Majburiy ijro byurosi Samarqand shahar bo’limi boshlig’i adliya maslahatchisi A.A.Zakirov tomonidan 2018-yil 29-dekabda tasdiqlagan qarori bor.

4. Davom etamiz. Nega Auksiondan sotib olingan yer maydoni keyingi o’rinlarda surishtirilganda Ishtihon tuman kadastri ma’lumotlariga ko’ra, ikki gektardan ko’p yer boshqa bir kishilar nomiga rasmiylashtirilgani aytilyapti? Bu nimani anglatadi? Unda nega Auksionga ushbu yerni xato qilib kiritgan mas’ullarga haligacha chora ko’rilmagan? Yana nimani hidi kelyapti bu ishlardan?

5. Nima uchun tadbirkor ushbu mulkka egalik qilish uchun qonuniy asoslar bilan hokimga murojaat qilsa, nafaqat tuman hokimi, balki viloyat hokimiga ham murojaat qilsa-da, Erkinjon Turdimov ham tuman hokimi singari qolipdagi javob bilan kifoyalanmoqda? Xo’sh, bundan nimani tushunish kerak? Axir shuncha ish bo’lgan bo’lsa-yu, ammo “meni ishim emas” qabilida ish tutayotgan hokim va boshqalarning bunday xatti-harakati ortida nima turibdi deysiz?

6. Nima uchun ayrimlarga tadbirkorni uyini borib tintuv qilish kerak bo’lib qoldi, nega unga kutilmaganda bunday bosim qilindi, kim bunday qilishi mumkin, nima gap bor bu yerda o’zi? Yo tadbirkor eski zamondagi kabi kimnidir og’zini moylab qo’yishi kerakmidi?..

7. Qiziq, masalan kechagina, yoki umuman Shavkat Mirziyoyev davlat rahbari bo’lganidan buyon tadbirkorga sharoit yaratib ber, investsiya olib kirsin, senlar ham investor top deb hokimlarga og’zi tinmay gapirsa-da, dashnomlar bersada, ammo har ikki qadamda yuqoridagi holatlarga ko’zing tushaversa nimani o’ylaysan kishi: ya’ni bu hokimlar nafaqat qonunni, balki Prezident gaplariniyam bir tiyinga ilmayman deganimasmi? Bu yog’ini endi ushbu ishga mas’ul bo’ladiganlar zimmasiga qoldiramiz va 100 lab odamlarni ish bilan ta’minlayman deb jon koyitayotgan, haqiqiy ishbilarmonllik qilaman deb turgan tadbirkorlarga omad tilab qolamiz.

Видео ERKINJON TURDIMOV PREZIDENT TOPSHIRIG'INI, QONUNLARNI, OLIY SUD QARORINI BIR TIYINGA OLMAYDIMI??? канала Ko'zgu