ЕКІ ЖҰМЫРТҚАҢДЫ ЖҰЛЫП АЛАМ/ПРОДУКТА ҚЫМБАТТАП КЕТТІ/АШАРШЫЛЫҚ КЕЛДІ/АСҚАР МАМИН КЕТСІН!

Бәріңізге Ассалаумағалейкум

Екі Жұмыртқаларыңа ие болыңдар деп билікке ашынған журналист кім?! Қазақтанға ашаршылық келуі мүмкін бе? Тозығы жеткен жүйеден қалай құтыламыз? Біз мұның жауаптарын бүгінгі видеомызда жасырмай баяндайтын боламыз кеттік ендеше!

Халықтың шыдамы үрленіп жатқан алып шар секілді, қа күні шарықтау шегіне жетіп жарылары белгісіз. Ал, жарылатын болса бүкіл шартарапты шошытып жіберетіндей хәлде болмақ. Әлі де үрленіп жатыр. Мұның алдына тосқауыл қояйтын үкіметте үн жоқ. Тосқауыл деп айтып отырғаным алаңда собрларды шақыртып, полициямен папалату емес халықтың жағдайын жасап, тамырын басу. Санасын тұрмыс билеген, рухани ашыққан, жүдеген халық зомбидай тарпа бас салса апокалипсистің көкесі сонда болмақ!

Осыдан бір сыпыра уақыт бұрын Қазақстан телеарнасының жұмысынан кеткен, журналист Ербол Мәндібектің жұмыртқабас көкелеріне арнап ащынып жазған мынау бір жазбасын көріп қолдап, қуаттап отырмын.

Әтештерге әңгіме жоқ. Күні-түні тудырып жатыр. Қораздың ісі қораның ішінде аяқталады.

Бар мәселе Үкіметтегі «тауықтарға» тіреліп тұр. Қусаң құмалақ түспейтін Мырқымбайларды басқаша қалай теңгеуге болады?

Доллардың, бензиннің, үйдің бағасы өскенде сауатсыздардың сауаты жетпеген шығар деп үндемедік....

Ал, енді қарапайым жұмыртқаның бағасын екі есеге өсіру.....Еще беттері бүлк етпей бедірейіп қарап отырса....Бұл енді топастықтың абсолютті көрсеткіші.

Қарамағында 20 министрі, 4 вице-премьері, ПМ кеңсесі, 17 әкімі бар Асқар Маминнен бұдан артық бірдеңе күту нағыз ақымақтық.

Мырқымбайлардың қыртымбай жиналысының құны көк тиын.
Біреуің қораз, біреуің тауық боласыңдар ма білмеймін. Әйтеуір толғатасыңдар ма, туасыңдар ма, күшенесіңдер ме өздерің біліңдер. Жұмыртқаның бағасын түсіріңдер.

Егер шынымен бұтында «жұмыртқасы» бар еркек болсаңдар бағаны 600-ден 300-ге түсіріңдер.

Жаңа жылдан бастап, халық тұтынатын тауарлардың барлығы қымбаттап кетті. Орташа айлықты қазіргі инфляцияның мөлшерімен есептесең магазинге екі есе қарызға кіріп кетесің.

Өкініштісі, халықтың есебінен ұрлап-жырлап байыған миллионерлер мен миллиардер Мырқымбайлар мұны түсінбейді. Олардың ойынша, Үкімет деген мұнайдан түскен ақшаны оңды-солды есептеу.

Жұмыртқаға ие бола алмасаңдар, орындарыңды босатыңдар. Сауда министрліктеріңе бар болайын сендердің.....  деп ашына жазды тәуелсіз журналист Ербол Мәндібек

Халық қатты шаршады. Бәрінен. Девальвациядан, коррупциядан, бітпейтін реформадан, нәтижесіз бастамалардан, қымбатшылықтан, әділетсіздіктен, заңсыздықтан.

Қазір адамдар тіпті айлық алған сәттің өзінде қуана қоймайды. Өйткені ол айлық алғанда "ақшаны екінші айлыққа дейін қалай жеткіземін" деген уайыммен алады. Көбісі оны бірінші аптада-ақ несиеге, алған қарызы мен пәтер ақысына беруге мәжбүр. Былайша айтқанда бірінші қолмен алып, екінші қолымен өзгеге береді. Ол ай сайын қайталанатын дағдыға айналған. Бұл халықты мезі қыла ма? Мезі қылады! Өмірден түңілдіре ме? Түңілдіреді!

Халық қазір айлықтың, зейнетақының, шәкіртақының өскеніне қуанбайды. Тіпті өспесе екен деп тілейді. Өйткені айлық өссе, артынша нарықтағы баға екі есе өседі. Бұл халықты ашуландыра ма? Ашуландырады!

Халық қазір "ешқандай реформа жарияланбаса екен" деп тілейді. Өйткені миллиондардың өмірін өзгертуге тиіс реформалар тек жүздеген адамды байытып қана қоятынын біледі. Бұл халықтың болашақтан үмітін үздіре ме? Үздіреді!

Халық қазір білімге, ғылымға ұмтыла қоймайды. Өйткені IQ-ің сұмдық болса да, бай баласы сөйлейтінін, талантың ғажап болса да, бағлан баласы билеп, төстейтінін біледі. Ақшасы бар надан, ақшасы жоқ рухани адамнан жоғары. Көкесі жоқтар келешектен бір ғажапты күтуді қойған.

Айта берсе көп әрине. Біз дамыған 30 елдің қатарына кіреміз дейміз. Сөйте тұра сол дамыған елдердің басты қағидасын ұмытамыз: Ол билік пен халық арасындағы ашық диалог және жиналған мәселелердің уақытында шешілуі. Бізде әзірге тек мәселелер жиналып жатыр. Халықтың әлеуметтік мәселесін шешпеген ел, сол халықтың ашуынан құлап тынады. Оны тарих талай дәлелдеген.

Билік мынаны түсіну керек: Қазақ ұлты өз мемлекетіне, билігіне жау емес, ол тек қана өз еліндегі олқылықтарды жөндеу үшін шыр-пыр болады. Болғаны сол. Ал егер қоғамда түрлі сипаттағы негатив көбейсе, онда ол кезінде қабылданған қате шешімдердің бумеранг болып бүгін оралуы. Сондықтан шынайы әлеуметтік реформа жасайтын уақыт келді. Бүгінгі күні халықты одан басқа ештеңе серпілте алмайды. Қарны аш, баспанасы жоқ халық рухани жаңғырмайды.

БАҒЖАН БАҚБЕРГЕНҰЛЫ

Видео ЕКІ ЖҰМЫРТҚАҢДЫ ЖҰЛЫП АЛАМ/ПРОДУКТА ҚЫМБАТТАП КЕТТІ/АШАРШЫЛЫҚ КЕЛДІ/АСҚАР МАМИН КЕТСІН! канала KORGEN DURYS