ШҰҒЫЛ! АЙМАҒАМБЕТОВКЕ ШАБУЫЛ ЖАСАЛДЫ/МҰҒАЛІМДЕР ЖЫЛАП ЖАТЫР/ОРЫСТАР ШОШЫП ОТЫР!

Бәріңізге Ассалаумағалейкум

Асхат Аймағамбетовке шабуыл жасалып жатыр? Ақпараттық шабуыл. Пропогандист Ресей қазақшыл білім министрін жерден алып жерге салуда? Неге? Сағадиевтің атқора жасап кеткен былықтарын, Аймағамбетов қалай тазалады? Оның биліктен кетуі мүмкін бе? Бұл туралы қорқынышты ақпараттарды сізге Көрген дұрыс! 

Ресейлік БАҚ Асхат Аймағамбетовке қарсы «соғыс» ашты

Бүгін тағы Қазақстанның Білім және ғылым министрлігі һәм министр Асхат Аймағамбетов жайлы сөз етпекпіз. Рас, бұған дейін Білім және ғылым министрлігінің қызметін тілі жеткеннің бәрі сынайтын. Министр ауысқан сайын жасалатын жөнді-жөнсіз реформалар білім саласын былыққа әбден батырған. Аталған министрлікті соңғы жылдары басқарған Бақытжан Жұмағұлов, Аслан Сәрінжіпов, Ерлан Сағадиев сынды «реформаторлардың» қандай малқора жасап кеткенін ел-жұрт әлі ұмыта қойған жоқ.  

Бірақ қазіргі министр Асхат Аймағамбетовке деген халықтың пікірі мүлде бөлек. Әсіресе разнарабочий деген аты бар мұғалімдер министр Аймағамбетовтың жұмысын жоғары бағалайды. Шынтуайтына келгенде, Ол осы бір-екі жылда бұрынғы министрлер 28 жылда істей алмаған игі шаруаларды тындырған секілді. Әйтпесе, бұған дейін еш министр естімеген мақтау мен қолдау Аймағамбетовке арналмас еді ғой. Аймағамбетов бұл мақтауларды ешкімнен сұрап алмағаны да сөзсіз. Жұмысы халықтың көңілінен шықты, халық әділ бағасын берді.

Алайда соңғы уақытта министр Асхат Аймағамбетовке қарсы орыс баспасөзі тарапынан дүркін-дүркін ақпараттық шабуыл жасалып жатқанын байқап жүрміз. Сыңар-егіз, бірсарынды материалдар соңғы 1-2 айдың көлемінде әлеуметтік желілерде әлсін-әлсін жылтыңдап шығып, жұрт талқысын тудырып жатқаны рас.
 Никита Мендкович дейтін шовинист жазғышбектің шұбыртпа сөз, шимай-шатпағын түгел қазақшаға қотармақ ойымыз жоқ. «Тілге деген өшпенділік қараңғылыққа әкеп соқтырады» деген тақырыбының өзі материалының түгел мазмұнын ашып айтып тұр.

«Қазақстанда кезекті рет орыс тілі мен кирилицаға қарсы шабуыл басталды. Билік енді бірнеше жылдан соң елдегі барлық оқушылар тек қазақ тілінде білім алатын айтты. Сонымен қоса, мектептерді кирилицадан латынға көшіру жұмыстары да басталды. Тұрғындарының көпшілігі күнделікті тұрмыста орыс тілін қолданатын Қазақстанда бұл жаңалықтан қауіптенуде. Әсіресе, көршілес мемлекеттердегі тіл саясатына қарама-қайшы келетін Қазақстан билігінің бұл шешімі түсініксіз. Өзбекстанда балабақшаларды орыс тілінде оқыту басталды. Мектептерге ресейлік мұғалімдерді алдыртуда. Орыс тілді оқытушылар ұзақ жылдан бері Тәжікстанның білім беру мекемелерінде жұмыс істеп жатыр. Ал Қырғызстан билігі Ресейден өз елінде орыс тілді мектеп-интернеттар желісін ашуды сұрап отыр. Бірақ, Қазақстан бірнеше жылдан бері бұған қарсы бағытта. Неге Қазақстан билігі орыс тілімен қош айтысуға құмар», - деп жазыпты.

Асхат Аймағамбетов, сары бас, қызыл бет орыстардың заһарын айдаһарша шашатындай не айтып қойды дейсіз ғой. Асекең, өз сөзінде: қазақ тілі мемлекеттік тіл, бүкіл білім мекемелері қазақ тілін жетік білуге тиіс және міндеттейміз. Бұл талқыланбайтын, дискуссия тудырмайтын болсын. Қазақстандағы бірден бір тіл- ол қазақ тілі деп ашығын айтқан еді

«Балаларды қазақ мектептеріне беру керек», деген министр Аймағамбетов: мұны мәжбүрлеу арқылы емес, ынталандыру арқылы жүзеге асыру керектігін айтқан. Сөзбе-сөз:

«Бұл үшін бізде мектептер жеткілікті ме? Иә, жеткілікті! Қажетті деңгейде оқу құралдарымен, оқулықтармен қамтамасыз ете аламыз ба? Иә, қамтамасыз ете аламыз! Қазақ тілінде білім беретін педагогтер жеткілікті ме? Иә, жеткілікті! Бүгінде балалардың мемлекеттік тілде білім алуына жағдай жасалған. Біз үшін бұл бірінші кезектегі міндеттердің бірі - мемлекеттік тілде оқытуды басым ету. Мұнда ешқандай арандатушылық жоқ. Мұнда ешқандай пікірталас болмауы керек, өйткені ол мемлекеттік тіл. Сондықтан біздің еліміздің азаматтары мемлекеттік тілде оқытылуы керек», - деген еді.

Орыстар бұнымен тоқтап қалған жоқ,  Қазақстан білім министрі жемқор, ұлтшыл, ол нағыз провакатор деген небір қудыртпа сөзді қарша боратуда. Орыстар шошына қарауда. Өйткені білім саласы ойыншық емес.  Балабақшадан, Мектептен, орта және жоғарғы оқу орындарынан алған білімнен жаңа қазақтың жастары жасақталып шығады. Тем более Асхат Аймағамбетовтың құрған жүйесін ұлтжанды жастар бас көтерері анық. Әсекен красавчик.

Мәрттігі мен азаматтығын мойындамасқа шара жоқ!
- Мұғалімдермен бірлесе, ақылдаса іс жүргізді
- шығынға батып, өзін -өзі ақтамаған ЖОО жапты
- ең қиын сәтте оңтайлы шешім қабылдай білді
- ҰБТ , КТ - ның әділ өтуіне күш салды
- Басқару менеджментін қайта құруды жоспарлап, Білім басқармаларын әкімдерден алып, министрлікке бағындыруды қолға алды
- Ахмет Байтұрсынұлының үлгісіне негізделген “Әліппе” мен “Ана тілін” қайта қалпына келтірді. Бәлкім бұл айтылғандар  “пандемия” болмағанда былтыр ақ орындалар ма еді?! Қыркүйектен бастап Алла қаласа Әліппемен бет сүйісіп, төс қағыстырып амандасасыздар
  
БАҚБЕРГЕН Бағжан

Видео ШҰҒЫЛ! АЙМАҒАМБЕТОВКЕ ШАБУЫЛ ЖАСАЛДЫ/МҰҒАЛІМДЕР ЖЫЛАП ЖАТЫР/ОРЫСТАР ШОШЫП ОТЫР! канала KORGEN DURYS