"Сардоба фожиасига 6 ой бўлди. Берилган пул билан янги уй қуриб бўлмайди!"

"Сирдарё вилоят ҳокими Ғофуржон Мирзаевга мурожаат йўлламоқдаман. Мен Сирдарё вилояти Оқолтин тумани Шодлик маҳалласида яшовчи Исаков Муроджонман. Мана Сардобада сув тошиб уйимиз яроқсиз аҳволга келиб қолганига ҳам 6 ой бўлди. 31-хонадонни таъмирлаш масаласи бўйича сизга хат билан чиқдиик. Аммо хатга жавоб бермадингиз. Сиз қачон бизга қурилиш молларини олиб берасиз-у, қачон биз уйимизни таъмирлаб, кириб яшаймиз?

Берилган пул билан янги уй қуриб бўлмайди, унинг иложиси йўқ, чунки етмайди бу пул. Бизга фақат уйнинг зарар етган жойини таъмирлаб берсангиз бўлди. Биз сиздан янги Тошкент ва "сити"лар қуриб беринг демаяпмиз. Бош вазиримиз келса-ку, бизни кўчага чиқармайсизлар, муаммоларни айтиб қўймасин катталарга деб. Ҳоким ака, сиз ҳам бундай халқ орасига кириб, айланиб кўринг".

Видео "Сардоба фожиасига 6 ой бўлди. Берилган пул билан янги уй қуриб бўлмайди!" канала Ozodlik Radiosi