СҰМДЫҚ! ӘЛІБИДІҢ СҮЙЕГІ ТАБЫЛДЫ!

Бәріңізге Ассалаумағалейкум

Байзақтағы Жарылыстан бері іздестіруде болған Әлібидің денесі табылғаны рас па?! Бәріне министрлікті кінәлау надандық деген министрді қандай жаза күтіп тұр?! Арыс пен Тараздағы жарылыстың болатынын 2017 ші жылы кім білді? Елінен қуылған жапон жігіті мен Ермекбаевтың қандай ұқсастығы бар? Бұл сұрқия сұрақтардың жауабын сізге Көрген дұрыс!
Қайғылы жағдай. Жарылыс уақиғасы орын алғаннан бері ізестіруде болған Әліби Бексұлтанұлының мәйіті табылды. Бар болғаны жиырма бір жасында басшылардың олақтығынан болған ойран топыр жарылыстың құрбаны болды. Жарылыстың қатты болғаны соншалық, марқұмдардың денесі паршаланып, тек ДНК сараптамасы арқылы ғана сүйектерін анықтауға мүмкіндік туды. Өте өкінішті. Әліби мен Әліби сынды басқа да боздақтарымыздың есімі ел есінде мәңгілікке қалады деп сенемін. Алды пейіш, арты кеніш болғай. Алла қараңғы көрін жарық етіп, жәннәттің бір бақшасы еткей. Қарындастары "ағамды тауып беріңіздерші" деп еңірей жылап өтінгені сай сүйегімді сырқыратып жіберген еді. Әттең, періштелеріміздің апталдай ағасын Алла тағала мәңгілік мекеніне алып кетті.

Жарылыстың бірінші минутында ақ отставкаға кетуге шешім қабылдадым деп елді бір күлдіріп, бір жылатқан қорғаныс министрі де ақыры кетіп тынды. Мемлекет басшысы Қасым-Жомарт Тоқаев Қорғаныс министрі Нұрлан Ермекбаевтың қызметтен босату жөніндегі рапортын қарастырып, оның өтінішін қабылдады деген ақпараттар келіп жетті. Қарға ұшып, қарға келді дейміз бе әлде бұлт артынан шыққан күн болады дейміз бе әйтеуір оның орнына, Қорғаныс министрлігіне жаңа басшы келді.  Мемлекет басшысының өкімімен Мұрат Кәрібайұлы Бектанов Қазақстан Республикасы Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығы лауазымынан босатылып, жаңа қызметке тағайындалды. Жаңа министрдің міндетті қалай атқаратынын алдағы уақытта көре жатармыз. Арысымыз деп табысын арттырып, Таразым деп бюджеттің талан таражын шығарып кетпесе болғаны әйтеуір. Арыстағы апатқа көз жұма қарадық, халықтың бірлігінің арқасында қанды жараны іріңдетуден аулаққа әкеттік. Алайда, екінші рет тағы да сұрапыл жарылыс орын алды. Екі жылда бақандай екі рет. Қаншама аяулы азаматтар қыршынынан қиылды. Сонда Ермекбаевтың жаны жан екен де, опат болғандардың жаны көбелектікі ме екен? Неге күймеді. Жарылыстың алғашқы минутынан ақ отставкаға кетуге шешім қабылдадым деп ағынан жарылды. Ойланып қарасаңыз аттан жығыла қалсам, атымды бауыздай саламын деген керсигеннің сөзі ғой бұл

"Бәріне министр кінәлі деу - надандық. Өйткені кейбір сауатты адамдар Қарулы Күштердің кіші мемлекет екенін біледі. Барлық жүйелер бар Қарулы Күштердің ішінде: білім беру жүйесі, денсаулық сақтау жүйесі, жауынгерлерді даярлау, сарбаздарды үйрету. Бұл өте күрделі механизм. Әрине бір адам бәріне қарап қадағалау өте қиын, бірақ бізде сондай бір түсінік бар, бірінші жетекші бәріне жауап беру керек деген. Сол сияқты мен өзім кінәсіз, жеке басым жазықсыз болса да мен бәріне жауап беремін. Оның үстіне офицерлік, генералдық ар-намыс деген ұғым бар, соған сәйкес мен әрине отставкаға беремін. Отставка беруді сұраймын", — деді Ермекбаев. Ағыл да тегіл болып ақталды. Осы Орайда бір хикаят есіме түсіп отыр

«Титаник» апатқа ұшырағанда, сол кемеде келе жатқан жалғыз жапон азаматы аман қалады.

Кеме мұзтауға соғылғанда шырт ұйқыда жатқан Масабуми Хосононың апыл-ғұпыл киініп, палубаға атып шыққаны сол еді, құтқару құралдарының бәріне жансауғалаған жұрт жайғасып үлгеріпті. Бір қайықта екі орын бос тұрғанын көріп, ентелей жүгіріп сонда келіп отырады. Кейін, ақпарат құралдары «жанкешті» жігітті «жапонның бақытты жігіті» деп атап кетеді.

Тағдырдың мына қызығын қарасаңызшы, Европада «бақытты бала» атанған Масабуми Хосононы өз отанында осы қылығы үшін жерден алып, жерге салып, «самурайдың жанкештілікті талап ететін ескі салтын сатып кеткен опасыз, қорқақ. Мұндай арсыздыққа барғанша, кемемен бірге құрдымға кеткені дұрыс еді» деп айыптайды. Абыройынан айырылып, ұяттан жұрдай болған Хосононың өзі өмірінің соңына дейін осы бір ісіне қатты өкініп өткен екен.

Бүгінгі Ермекбаев та сол жапон жігітінен асып түсіп масқара болмаса кем түсе қойған жоқ. Тарих сабақ болсын!

2017 жылы, Шамамен сәуір айында сол кездегі қорғаныс министрі Жасұзақов осы жайды шырылдап ескерткен еді, ол өз сөзінде:

"Мен әкімдерге бір мәселені жеткізейін деп едім. Қазір заң бойынша кейбір нысандар, әсіресе, қару-жарақ қоймалары айналасындағы қауіпсіздік аймақтары анықталған.

Сондықтан жергілікті жерде xалыққа жер учаскелерін бергенде осыны ексеруді сұраймын.
Себебі жеке тұрғын үйлерді саламыз деп, олар қару-жарақ қоймаларына жақындап келеді.

Ал біздегі қоймаларда жойқын қару-жарақтар бар, қандай да бір диверсиялық әрекеттер кезінде xалыққа да, құрылыс нысандарына да қауіп төнуі әбден мүмкін", - деді сол кездегі Қорғаныс министрі Сәкен Жасұзақов.

Бағжан Бақберген

Видео СҰМДЫҚ! ӘЛІБИДІҢ СҮЙЕГІ ТАБЫЛДЫ! канала KÓRGEN DURYS