АРАБҚА ҚҰЛ БОЛЫП - АФРИКА СИЯҚТЫ ӨМІР СҮРЕМІЗ! ҮКІМЕТ ЖЕРДІ ҚЫТАЙЛАРҒА ЖАЛҒА БЕРІП ТЫНБАҚШЫ МА?

Бәріңізге Ассалаумағалейкум!

Үкімет, жерді жалға беріп, арттарын қышытып тынбақшы ма, болмаса қай тесігін жаппақшы? Осы кезге дейін, «жерді жалға беріп байыпты» деген, халықты немесе елді естімедік? Жерді «жалға береміз» деп, өкінгендерді көрдік. Мысалы, Палестиналықтар, Екінші дүние жүзілік соғыс кезінде, европадан қашқан еврейлерге «жерлерін жалға беріп, соңынан сатамыз» деп, мемлекетінен айырылды.
Билік, «жер туралы жырды», қайта көтеріп жатқанына қарағанда, қытайға жерді жалға бермей тынбайтын секілді. Ал мұның арты халықтың жаппай алаңға шығып, көтеріліс жасауына түрткі болмай ма? 2016 жылы, елімізде ауыл шаруашылығы жерін, шетелдіктерге сату және ұзақ мерзімге жалға беруді қарастыратын, даулы өзгерістерге халық жаппай наразы болған. Халықтың наразылығынан кейін, билік жерге байланысты, бес жылға мораторий жариялады. Биыл аталған мораторийдің мерзімі аяқталады.
Президент, Асқар Мамин басқаратын үкіметке тапсырма берді. «Жер жөніндегі комиссияның жұмысын қайта жандандыру қажет. Ұсыныстар байыппен талқыланып, түбегейлі шешім қабылдануға тиіс. Үкіметке биылғы қараша айына дейін, Жер кодексіне түзетулер енгізілуін қамтамасыз етуді тапсырамын» деді. Бірақ, Президентіміз Тоқаев, нақты қандай түзетулер енгізілетінін айтпады.
Осыған дейін, Қасым-Жомарт Тоқаев бір емес, бірнеше рет «жер шетелдіктерге сатылмайды» деп айтты. Қазақстанның демократиялық партиясының жетекшісі, оппозиционер жанболат Мамай: Президент жер шетелдіктерге сатылмайды, деп айтқанымен, жер шетелдіктерге жалға берілмесін, деп айтпады» деп бірнеше рет мәлімдеме жасаған. Осыған байланысты қарсылық ретінде, бір адамдық пикетте өткізген.
«Негізі мораторий жарияланған заңда, жерді шетелдіктерге жалға беруге рұқсат етілген. Нақтырақ айтсақ, шетелдіктерге жерді 49 жылға жалға беру, заң бойынша шешіліп қойған. Президент «Жер сатылмайды» деп қайта-қайта айта бергеннен, «Шетелдіктерге, жер жалға берілмейді» деп, нақты айтуы керек еді. Екіншіден, заңнан, жерді шетелдіктерге жалға беруге мүмкіндік беретін бапты, алып тастау керек. Тоқаев нақты әрекет етпей, «Жер мәселесіне байланысты комиссия құрып, талқылайық» деп, қана отыр. Комиссия құрып әуре болғанша, Жер туралы заңды Парламентке қайтарып, жерді шетелдіктерге сатылмайтын және жалға бермейтіндей етіп бекіту керек. Басқа сөздің бәрі – бос сөз. Қазақтың жеріне, іргеміздегі қытай елі, қызығушылық танытып отырғаны белгілі. Қазыбек Бейсебаев, қытайға жерді жалға бергенге қарағанда, өзіміз өнім өндіріп сатқан тиімді. Үкімет, жерді кімге жалға бергісі келіп ұмтылып отыр? Мәселен іргеміздегі Ресейде, ауыл шаруашылығына қажетті жер жетеді. Ал екінші бір алып көршіміз қытайға, ауыл шаруашылығына қажетті құнарлы жер керек. Себебі халқы милиардтан асқан қытайға, күнделікті қорек ететін азық-түлік қажет. Біздің бидайымыздан бастап, ет пен сүт, көкөнісімізге дейін, қытай қызығып отыр. Сондықтан да жоғары шенді шенеуніктер қытайға жер беруге құлшынып отыр. Қытайға жерді жалға бергенше, біз неге сол жерге әртүлі өнім егіп, сол тауарды сатпаймыз? Неге осы жұмысты Үкімет ұйымдастырып, жүргізбейді? Билікте отырған адамдар, халықтың қамын ойлап отырған жоқ, өзінің қалтасының күйін күйттеп отыр» – дейді, сарапшы Қазыбек Бейсебаев.
Иә, расында қазақтың жеріне, қытайдың көз алартып отырғаны жасырын емес. 2009 жылы, Елбасымыз Нұсұлтан Назарбаев, Қытай Қазақстаннан соя мен рапс өсіру үшін, «1 миллион гектар жер сұрағанын» айтқан болатын. Бұл мәселе қоғамда пікірталас туғызып, халық қатты наразылық білдіргеннен кейін басылған.
Әйтсе де, арада 10 жылдан астам уақыт өткенде, жер мәселесі тағы алдымыздан шығып отыр. Денесінен ет кесіп алса да үндемейтін халық, жер дегенде «алаңға алқынып шығатыны» белгілі. Осы ретте «билік неге жерді жалға беруге құлшынып отыр?» деген заңды сұрақ туындайды.
Президентіміз Қасым-Жомарт Тоқаев, «Жер жөнінде комиссия құрамыз» деп халықты алдағанша, неге жер туралы заңды Парламентке қайтарып, халықтың көңілінен шығатын заң қабылдап бермейді? Егер жер туралы заң халықтың талап-тілегіне сай қабылданбаса, онда биыл, наразылық оты бұрқ ете қалуы мүмкін. Билік мұны, неге есепке алмай отыр? Неде болса, биыл «не бел кетер, не белбеу кетер» дейтін, жыл болмақ.
Біз мына жақта, жер мәселесі мен латын қарпіне көшу деген глабалды проблемалармен айналысып жатқанда, айын алпыс миллион теңге айлық алатын, біздің футболдан Ұлттық құрамамыз, Тәжіктерден «жетіде бір» ұпайымен, ойсырай жеңіліп, масқарасы шығып қалыпты. 42 мың 500 теңгені карантинде қиналып жатқан халыққа бермесекте, 21 мың 500 теңгені көп балалы отбасыларға бермесекте, елдің ауызынан жырып, осы футболшыларымызға бердік.
Футбол - әлемдегі нөмірі бірінші спорт. Фуболшыларымыз, өзге елдерге барып доп тепкенде, «қымбат тері кросовки киіп жүрсін. Қолына арзан сағат тақпасын. Бренд сағат тақсын. Анау Криштиан Роналдо, Месси сияқты марғасқа жұлдыздардың алдында, ұятта қалып, бетімен жер сүзбесін, кеудесін тік ұстап жүрсін» деп барымыз бен нарымызды аямадық.
Жоғарыдағы көкелерімізде, қарап қалмады. Толығырақ Видеода...

Видео АРАБҚА ҚҰЛ БОЛЫП - АФРИКА СИЯҚТЫ ӨМІР СҮРЕМІЗ! ҮКІМЕТ ЖЕРДІ ҚЫТАЙЛАРҒА ЖАЛҒА БЕРІП ТЫНБАҚШЫ МА? канала BILGEN DURYS