Ирон куадзæны мидис

Куадзæны бæрæгбон алы хъæу дæр алыхуызон кодтой, уымæн æмæ чи уырысы æгъдæуттæм хæстæгдæр фæцис, чи та гуырдзыйы, аннæтæ та ирæн сæхи рагондæр æгъдæуттæм. Куадзæны бон хъæубæстæн вæййы стыр куывд, фысым та — сыхгай, æмæ уыцы сых рагацау æнæхъæн хъæуæй æрæмбырд кæнынц къусбарæй зад æмæ сæ бахсидынц бæгæны. Афтæ сæ æрæмбырд жæнынц æхца дæр æмæ балхæнынц кусæрттаг. Стыр хъæу хъуамæ дыууæ галы дæр балхæной, гыццыл хъæу та, цас сæм æрæмбырд вæййы, уымæ гæсгæ. Фысым цы хæдзæрттæ вæййынц, уыдон куывд, куыд æмбæлы, афтæ куы сцæттæ кæнынц, уæд арвитынц хъæумæ хонæг. Адæм æрцæуынц, алы хæдзар дæр æрхæссы æртæ уæлибæхы. Куы æрæмбырд вæййынц, уæд хистæртæм бахæссынц чъиритæ, физонæг, нозт, æмæ уыдон скувынц, адæм сæ ком хорзы боны уагъд куыд скæной, уый тыххæй. Фæсивæд хъазт скæнынц, хъæуы астæу искуы фæкафынц талынгтæм. Иннæ фæсивæд херы саразынц æмæ уым сæхи ирхæфсынц. Куадзæны бон дæр фæхæссынц хуынтæ, чи йæ чындзæн, чи — кæмæн, чи —кæмæн.

Видео Ирон куадзæны мидис канала IUDZINAD IRONDZINAD