Islom tarixi. 2 jildli. 1-bob. 2-fasldan. Nuh alayhissalom - Xurshid Davron kutubxonasi

Shayx‏ ‏Muhammad‏ ‏Sodiq‏ ‏Muhammad‏ ‏Yusufining ‏2 jildli ‏“Islom tarixi” ‏ ‏asari‏ ‏Islom‏ ‏tarixining‏ ‏muxtasar‏ ‏bayoni‏ ‏boʻlib,‎‏ ‏‏ ‏hazratning‏ ‏soʻnggi‏ ‏kitoblaridan‏ ‏biridir‏.‏

Islom tarixi deganda, odatda Islom davlatlari hamda musulmon xalqlarning vahiy nozil ‎boʻlgan ilk davrdan boshlab hozirgi kungacha boʻlgan tarixi nazarda tutiladi. Ammo aslida ushbu ‎tarix dunyo boshlanganidan to hozirgi, biz yashab turgan paytgacha boʻlgan davrni oʻz ichiga oladi. ‎Zero, bu tarix ilk inson, ilk paygʻambar – Odam alayhissalomdan boshlanadi. ‎

Aziz mushtariylar, bugundan eʼtiboran yutubdagi kanalimizda mazkur asarning ayrim boblarini berib borishga jazm etdik. Maqsadimiz esa, shu orqali dinimiz tarixini oʻrganishdir.

Alloh subhanahu va taolo bu ishning hammamiz uchun manfaatli, xayrli va barakotli boʻlishini nasib qilsin!

Ushbu videoda asarning birinchi bob ikkiinchi fasllida keltirilgan Nuh alayhissalom haqidagi maʼlumotlar keltiriladi.

Arabiston yarimorolida aholi koʻpaygach, guruh guruh boʻlib shimoli sharqiy taraflarga koʻchib ketgandan keyin ularning koʻpchiligi Iroqda joylashib qoldi va ziroat bilan mashgʻul boʻldi. Ular dastlab Alloh subhanahu va taologa ibodat qilishdi. Biroq vaqt oʻtishi bilan toʻgʻri yoʻldan adashib, turli but-sanamlarga sigʻina boshlashdi. Shunda rasullarning birinchisi boʻlgan Nuh alayhissalom insonlarni Alloh taoloning diniga chaqira boshladilar. U zot alayhissalom mazkur diyorlarda yashab turgan qavmlar uchun paygʻambar qilib yuborildilar.

Nuh alayhissalom

Nuh alayhissalom Idris alayhissalomning avlodlaridandir. U zotning otalarining ismi Lomakdir.

Imom Buxoriy Ibn Abbos roziyallohu anhudan rivoyat qilishlaricha, u kishi: “Odam bilan Nuh orasida oʻn asr (avlod) oʻtgan. Hammasi Islomda boʻlgan”, deganlar.

Видео Islom tarixi. 2 jildli. 1-bob. 2-fasldan. Nuh alayhissalom - Xurshid Davron kutubxonasi канала Xurshid Davron Kutubxonasi