Беларусы ды ўкраінцы: варта размаўляць без "расейскага пасярэдніка"

Тэма адносінаў між беларусамі ды ўкраінцамі актыўна абмяркоўваецца з пачатку вайны. Прадстаўнік кожнай нацыі мае ўласныя прэтэнзіі, уласнае бачаньне. Але, калі капнуць глыбей, то слова «адносіны» выглядае недарэчным. Можна абмяркоўваць «стаўленьне да», а вось адносінаў, пабудаваных на дыялёгу, веданьні няма. Бо, нягледзячы на блізкасьць культураў, няма ведаў адзін пра аднаго, спробаў зразумець, нават банальныя месцы дотыку культураў хутчэй ёсьць спарадычнымі, чым звычайнай зьявай.

Больш таго, беларусы ды ўкраінцы да нядаўна глядзелі адно на аднаго праз «прызму расейцаў». Пачынаючы ад простай інфармацыі пра падзеі, сканчваючы сучаснай культурай, ацэнкай працэсаў. Такі стан рэчаў стварае вялікае поле для маніпуляцый, інфармацыйных апэрацый, ды, нават, банальных страхаў.

Вырашылі з маім украінскім знаёмым (які апошнія гады цікавіцца й Беларусьсю) капнуць тое поле. Прызнацца, размову пачыналі як абмеркаваньне магчымых інфармацыйных укідаў, але па яе ходу капнулі ў «іншым месцы». Тое што атрымалася падказала тэмы наступных дыскусій.

Таймкоды
00:00 Пачатак альбо роля ІПСА, стварэньне шаблёнаў у адносінах між народамі.
02:13 З украінскага боку. Вайна ж робіць успрыняцьце сьвету чона-белым і гэта, на базе адсутнасьці палітыкі датычнай суседзкіх дзяржаваў, спараджае будучыя канфлікты. Пра беларуска-украінскія адносіны «украінскім вокам». Пра «чужую» дзяржаву, «сваю» Радзіму й веды пра іншых.
08:21 Прапаганда «на пальцах». Фактар тэзы пра «триединый народ с двумя младшими братьями». Разьбіраем эмацыйны складнік прапаганды на прыкладзе «братскіх народов»
11:30 Чуткі, гульня на эмацыйнай ці містычнай сьвядомасьці. Тактычныя хады па засеву нэгатывам. «Аджатыя машыны», «героі ды злыя духі» як прыклады. А таксама прыхаваныя прыёмы прапаганды у сфэрах, на якія мы не зважаем.
17:00 Ахвярамі фэйкаў становяцца ўсе. Розьніца толькі ў маштабах уплыву.
22:58 Канцэпт «русского міра» альбо чаму варта зьвяртаць увагу на баланс. Вялікая культура, літаратура з усходу. Але парушэньне балянсу скажае ўспрыняцьцё сусьветнай культуры й фармуе міты пра «выключнасьць»
26:00 Бароцца ў лоб ці выкарыстоўваць высілкі апанэнту. Пра «расейскія» канцэпты славянства, усходнееўрапейскай культуры. Пра рэгіянальныя наратывы «імпэрыяй быць не цікава».
29:59 Беларуска-украінскае няведаньне адно аднаго не выключэньне. У нашым выпадку ёсьць толькі адна адметнасьць – звычка размаўляць між сабою «праз Маскву». За каго бароцца ў спробе абмежаваць уплыў імпэрскага міту. Прыклад рэек ды шпалаў. Беларуская рэйка й украінская ёсьць. Але сувязі між імі бракуе. Прыклады ня толькі кнігаў, але й простых рэчаў, ад сучаснай культуры, да між асабовых кантактаў. Роля мабільнасьці ды камунікацыі між людзьмі.

Падтрымка каналу: https://www.patreon.com/ihar_Tyshkevich
#Магда #Тышкевіч #Беларусь #Украіна #адносіны_між_народамі

Видео Беларусы ды ўкраінцы: варта размаўляць без "расейскага пасярэдніка" канала ihar Tyshkevich