«Կիրակնօրյա վերլուծական», 09-ը օգոստոսի, 2020

Այսօր՝ «Կիրակնօրյա վերլուծական» հաղորդման եթերում.
⠀
• Բեյրութը՝ աշխարհի ուշադրության կենտրոնում։ Հարյուրավոր մարդկային կյանքեր խլած աղետին հաջորդել են բողոքի ցույցերը։ Լիբանանի մայրաքաղաքն ավերակների է վերածվում։ Վերջին լուրերը Բեյրութից հայտնում է մեր թղթակից Սուսան Բադալյանը։

• Շաբաթը լարված էր Ամուլսարում։ Բնապահպանների բողոքի ակցիաներն ուղեկցվեցին ոստիկանների հետ բախումներով։ Կառավարությունը լուռ էր։

• «Անցյալին վերադարձ չի լինելու»,- հրաժարականից երկուսուկես տարի անց խոսում է Հայաստանի երրորդ նախագահը: «Ապրիլյան պատերազմում Հայաստանը հաղթել է, Ադրբեջանը՝ պարտվել»,- հայտարարել է Սերժ Սարգսյանը։

• «Ինչո՞ւ ապրիլյան պատերազմի ընթացքում երկու տասնյակից ավելի դիրքեր մնացին հակառակորդի տնօրինման տակ»,- Սերժ Սարգսյանի հայտարարություններին հակադարձում է Ապրիլյան պատերազմի հանգամանքներն ուսումնասիրող քննիչ հանձնաժողովի նախագահ Անդրանիկ Քոչարյանը։

• Արտակարգ դրությունը երկարաձգվելու է ևս մեկ ամսով։ Կառավարության մտադրությունն ընդդիմադիր «Լուսավոր Հայաստան» կուսակցության սրտով չէ. պատգամավոր Անի Սամսոնյանի մեկնաբանությունը։

• Սահմանադրական դատարանի դատավորների թափուր պաշտոններում առաջադրումներն ավարտվեցին։ Իրավապաշտպանները երեք թեկնածուի նկատմամբ էլ վերապահում ունեն։

Հաղորդումը կվարի Աստղիկ Բեդևյանը:

«Կիրակնօրյա վերլուծական»-ը դիտեք այսօր՝ ժամը 20:00-ին, «Ազատություն» TV-ի եթերում՝ Ucom ցանցի 222 ալիքով, http://tv.azatutyun.am/ հասցեով կամ մեր ֆեյսբուքյան և յութուբյան էջերով:

Видео «Կիրակնօրյա վերլուծական», 09-ը օգոստոսի, 2020 канала Ազատություն