Хусусий бандлик агентликлари фаолиятига бағишланган матбуот анжумани

Хусусий бандлик агентликлари фаолиятига бағишланган матбуот анжумани
"Ўзбекистон 24" телеканали
Хусусий бандлик агентликлари 9338 нафар фуқародан қарийб 79,1 млрд сўмни фирибгарлик йўли билан ўзлаштириб олган
Бу ҳақда АОКА залида Бандлик ва меҳнат муносабатлари вазирлиги, Ташқи меҳнат миграцияси агентлиги мутасаддилари иштирокида ўтказилган матбуот анжуманида маълум қилинди:
Вазирликнинг реестридан 104 та юридик шахс рўйхатдан ўтган, улардан 75 тасига хорижда ишлаш истагидаги фуқароларни ишга жойлаштириш бўйича лицензия берилган.
Ўтган давр мобайнида 55 та хусусий бандлик агентлигининг лицензияси бекор қилиниб, уларнинг сони бугунги кунда 20 тани ташкил этмоқда.
Бугунги кунда 11 та ХБАнинг 51 нафар раҳбар ва масъул ходимларига нисбатан жиноят иши қўзғатилган.
Хусусий бандлик агентликлари томонидан алданган фуқароларнинг пулини қайтариш билан ким шуғулланмоқда?
Ташқи меҳнат миграцияси агентлиги бошлиғи Муҳаммадзокир Маматхонов (АОКАдаги матбуот анжуманидан):
«Хусусий бандлик агентликларидан жабр кўрган фуқароларнинг пулларини ундириш бўйича суд ҳукми эълон қилинганидан сўнг Мажбурий ижро бюроси зиммасига суд ҳукми ижроси юклатилади.
Ваколатли орган — МИБ ҳисобланади. МИБ томонидан тегишли бандлик агентлиги ҳисоб-рақамидаги мавжуд маблағлар, мол-мулклари сотувга қўйилади.
Бу пулларни жамлаган ҳолда, мутаносиб равишда жабрланган ҳар бир фуқарога пулларини қайтариш чоралари кўрилади».
Агар каналимиздаги видео Сизга ёққан бўлса ЛАЙК босинг ва каналимизга аъзо бўлиш учун "ПОДПИСАТЬСЯ" тугмасини босишни унутманг!
Манба: Ўзбекистон Миллий Телерадио Компанияси.
www.mtrk.uz

Видео Хусусий бандлик агентликлари фаолиятига бағишланган матбуот анжумани канала UZBEK TV