ՀՀ ԱԺ «Դասական արվեստի տարածման» ծրագիրը մեկնարկեց

«Դասական արվեստի տարածման» ծրագիրը կրթական ու դաստիարակչական է, նպատակ ունի Հայաստանի հանրությանը մոտեցնել դասական արվեստի բոլոր ճյուղերին, նրանց մեջ արթնացնել սերն արվեստի նկատմամբ: Այդ նպատակին հասնելու համար 2016 թվականի ընթացքում Հայաստանի Հանրապետության մարզերում և Արցախում կիրականացվեն բազմաթիվ միջոցառումներ՝ համերգներ, ցուցահանդեսներ, դասախոսություններ և այլն: Միջոցառումներն իրականացվելու են ՀՀ Ազգային ժողովի նախագահ Գալուստ Սահակյանի բարձր հովանու ներքո, ինչպես նաև` բազմաթիվ ընկերությունների աջակցությամբ: Միջոցառումների ցանկում ընդգրկված են դասական արվեստի բոլոր ճյուղերը:
Ծրագրի մեկնարկը կտրվի Լեռնային Ղարաբաղի Հանրապետությունում: Փետրվարի 20-ին Ստեփանակերտի Սայաթ-Նովայի անվան երաժշտական քոլեջի դահլիճում տեղի կունենա «Ղազարոս Սարյանի» անվան լարային քառյակի համերգը: Համերգի ընթացքում կհնչեն հայ և արտասահմանյան կոմպոզիտորների ստեղծագործություններ: Սկիզբը՝ ժամը 19:00-ին:
Մուտքն ազատ է:

Видео ՀՀ ԱԺ «Դասական արվեստի տարածման» ծրագիրը մեկնարկեց канала National Assembly of Armenia ՀՀ Ազգային Ժողով