Георгиевски: „Античкиот“ идентитет нѐ скара со соседите и со меѓународната заедница!

Еден од основачите на ВМРО-ДПМНЕ и актуелен претседател на ВМРО-Народна, Љубчо Георгиевски, на панел дебатата „Губење на идентитетот, или...?“ во организација на ЦИВИЛ – Центар за слобода, истакна дека е оптимист во поглед на прашањето: „Дали македонскиот идентитет ќе постои и по Договорот од Преспа?“
„Во последните десет години, во Македонија се случи една од најрадикалните промени на идентитет на еден народ во Европа, па и во светот, која ние, како сведоци во современата историја, можеме да го видиме. Одеднаш, од она што сите ние го знаевме, и беше добро утврдена норма - дека македонскиот народ е дел од словенската групи на народи, одеднаш се претворивме во антички Македонци! Во нешто посебно, во нешто ексклузивно, во нешто што нема допир со ништо во светот, и од тоа направивме една приказна, во која за жал, многумина почнаа да веруваат. А оние кои беа носители на таа идеја, сметам дека од чисто маркетиншки причини ја злоупотребуваа за победи на избори“, вели Георгиевски.

Видео Георгиевски: „Античкиот“ идентитет нѐ скара со соседите и со меѓународната заедница! канала Civil