"Kürd Elnur"un OĞLU atasının qanunsuz əməllərinin izində

Bir müddət öncə "Kürd Elnur" adı ilə tanınan Elnur Abbasova Cinayət Məcəlləsinin bir neçə maddəsi ilə cinayət işi başlanmış və o, məhkəmənin qərarı ilə həbs edilmişdi.

"Kürd Elnur" medianın gündəminə başqasına məxsus "BMW" markalı avtomobili qəsdən Suraxanı rayonu ərazisində dərədən aşırması ilə gəlmişdi. Bundan sonra hüquq-mühafizə orqanlarının "Kürd Elnur"la bağlı əməliyyat-axtarış tədbirləri təşkil etmiş və nəticədə o, saxlanılmışdı. Saxlanıldıqda onun üzərində şəxsi axtarış aparılan zaman 1 ədəd tapança, 4 ədəd patron, 1 ədəd daraq və 7 qramdan artıq heroin aşkar edilmişdi.

Əlavə olaraq isə Elnur Abbasovun cinayətkarlığı təbliğ edən, həmçinin karantin günlərində polis əməkdaşlarına tabesizlik göstərməsini özündə əks etdirən videolar hazırlayaraq müxtəlif sosial şəbəkələrdə yayması, hazırladığı videolarda gəncləri və yetkinlik yaşına çatmayanları cinayətkarlığa sövq edən motivlərin olduğu da müəyyən edilmişdi.

YPX.AZ-ın əldə etdiyi bəzi görüntülərdə isə "Kürd Elnur"un, yəni Elnur Abbasovun on beş yaşlarında olan oğlunun da bəzi qanunsuz əməlləri əks olunub.

Belə ki, sözügedən görüntülərdə azyaşlının avtomatla oyuncaqmış kimi oynaması, müxtəlif marka silahlarla və patronlarla şəkil çəkdirməsi, belindən çıxardığı tapança ilə havaya bir neçə əl atəş açması əks olunub. Azyaşlı bunları edərkən isə bütün əməllərini qürurmuş kimi foto və video qeydə də alıb.

Təbii ki, bütün bu sadaladıqlarımız ancaq bizim əldə etdiyimiz bir neçə görüntülərdə əks olunanlardır.

Aşkar görünür ki, başqasının mülkinə zərər yetirən, silah və narkotiklə tutulub paşmanam deyən "Kürd Elnur"un on beş yaşlarında olan oğlu atasının qanunsuz əməllərinin izi ilə gedir.

Hər halda az yaşlarında olan yeniyetmənin belə qanunsuz əməllərə maraq göstərməsini həm yeniyetmənin özü, həm də ətrafı üçün heç tə təhlükəsiz hal kimi qiymətləndirmək olmaz. Hər halda atası həbsdə olsa belə yeniyetməni himayəsində böyüdən şəxslər onu bu əməllərdən ya uzaq tutmayıblar, ya da tutmaq istəməyiblər ki, indi o əlinə rahatlıqla silah alıb sağa-sola atəş aça bilir.

Hüquq-mühafizə orqanlarının bu məsələyə müdaxilə edəcəyinə ümid edirik.

Haqqında çəkilib paylaşılan cinayətkarlığı təbliğ edən materiallardan peşman olan atanın oğlu özünü və ya başqasını peşman etməmiş hansısa tədbirlər görülməlidir.

Видео "Kürd Elnur"un OĞLU atasının qanunsuz əməllərinin izində канала YPX TV