«АЮ Холдинг» компаниясы кызматкерлер арасында бильярд боюнча турнир өткөрдү

9-апрелде «АЮ Холдингдин» кызматкерлери арасында бильярд боюнча турнир болуп өттү. Аталган мелдеш компаниянын 19 жылдыгына арналып, бардык бөлүмдөрдөн катышуучулардын саны жүзгө жетти.

Бильярд – сабырдуулукту, чын ыклас жана ынтааны, концентрацияны сактап, логикалык жактан ойлоно билүүнү өстүрүүчү спорттун популярдуу түрү. Жөн жерден бильярдды «аракеттеги шахмат» деп аташпаса керек. Бильярдда физикалык даярдык жана жаш курак маанилүү эмес. Ошон үчүн да корпоративдик турнир катары спорттун дал ушул түрү тандалып алынды.
Катышууну каалагандар үчүн өтүнмө чогултуу бир ай мурун башталды. Башкы судья катары өлкөдөгү мыкты машыктыруучулардын бири, КР бильярд спорту федерациясынын судьялар коллегиясынын председатели Давран Салахидинов чакырылды.

Мелдештин жыйынтыгында «Турук Майнинг» көмүр ишканасынын сатуу бөлүмүнүн менеджери 33 жаштагы Чыңгыз Акматов жеңишке жетишти.

Экинчи орунга «Ассоциация АЮ Холдинг» ЮЖБ президенти Акматбеков Руслан Жумагулович жетишсе, үчүнчү орунду болсо «АЮ Лизинг» компаниясынын директору Нурлан Садыков жана «АЮ» заводунун башкы механиги Жаныбек Кененбаевдер ээлешти.

Жеңүүчүлөр грамота, статуэтка, эстелик үчүн белектер жана акчалай сыйлыктар менен сыйланышты.

Аталган турнир жөн гана кызыктыруучу мелдеш болуп гана тим болбостон, коллектив жана пикирлештер ортосундагы мыкты тимбилдинг жана жагымдуу убакыт өткөрүү болуп калды.

Видео «АЮ Холдинг» компаниясы кызматкерлер арасында бильярд боюнча турнир өткөрдү канала Ayu Holding