Имон Каримова онаси тақдирини ҳал қилиш Саида Мирзиëевага топширилганини иддао қилди

Айни кунларда Ўзбекистон марҳум президентининг тўнғич қизи Гулнора Каримова устидан янги тергов бормоқда.

Бу ҳақда ўтган ҳафта Бош прокуратура ва Каримова командаси маълум қилди.

Ҳозиргача бир неча марта судланиб¸ Зангиота колониясида қамоқ жазосини ўтаëтган Гулнора Каримова янги ишда 255 та жиноят эпизодини содир этганликда айбланаëтган уюшган гуруҳга раҳбарлик қилганликда айбланмоқда.

Бораëтган янги терговни Бош прокуратура қошидаги Уюшган жиноятчилик ва коррупцияга қарши кураш бошқармасининг ўта муҳим ишлар бўйича терговчиси Расул Йўлдошев олиб бормоқда.

12 декабрь куни Гулнора Каримованинг қизи Имон номига очилган Instagram саҳифасида (бу саҳифани жорий ойдан бошлаб профессионал адвокатлар гуруҳи юритмоқда – таҳр.) терговчи Йўлдошевнинг мазкур ишга оид 1 ноябрь куни чиқарган қарори нусхаси эълон қилинди.

Фақат икки бети тақдим этилган бу ҳужжатда Гулнора Каримова устидан бораëтган терговнинг жиноят иши доирасидан каттароқ экани эътироф қилинган.

Озодлик ҳозирча бу ҳужжатнинг асли ëки унинг тўлиқ матни нусхасини кўргани йўқ.

Прокурор хулосаси

Ўзбекистон прокуратурасининг ўта муҳим ишлар бўйича терговчиси Расул Йўлдошевнинг 1 ноябрь кунги қарори “эксперт муассасасидан ташқарида комплекс экспертиза ўтказиш ва бу ишга мутахассисларни жалб қилиш ҳақида”.

Видео Имон Каримова онаси тақдирини ҳал қилиш Саида Мирзиëевага топширилганини иддао қилди канала Ozodlik Radiosi