Ел экономикасының дамуында Атырау өңірінің маңызы зор

Ел экономикасының дамуында Атырау өңірінің маңызы зор. Әсіресе мұнайлы өлке өнеркәсіп саласы мен инвестиция тарту жағынан өзге аймақтардан көш ілгері. Соның арқасында республиканың жалпы ішкі өніміндегі облыс үлесі 14 пайызды құрап отыр. Аймаққа жұмыс сапарымен барған Сенат төрағасы Мәулен Әшімбаев өңірде атқарылып жатқан шаруаларға жоғары баға берді.
Парламент сенатының төрағасы Мәулен Әшімбаев аймаққа жұмыс сапары барысында инвестиция тарту, өнеркәсіпті өркендетуде мұнайлы өлке өзге өңірлерден көш ілгері екенін атап өтті. Мәселен, облыс шетел инвесторларын тарту жағынан ел бойынша көш бастап тұр. Өткен жылы өңірге құйылған инвестиция көлемі 2,4 трлн теңгені құрайды.Сондай -ақ,Сенат төрағасы өткен жылы Парламент, оның ішінде Сенат атқарған жұмыстарға да тоқталды.Өткен жылы 92 заң қабылдалған.Қабылданған заңдардың ішінде «Әлеуметтік кодекстің» қолданысқа енген.Бұл құқықтық құжат бізге әлеуметтік саясатымызды жүйелеуге, көмекке мұқтаж жандарды қолдау шараларын кешенді түрде жүргізуге мүмкіндік беріп отыр.
МӘУЛЕН ӘШІМБАЕВ, ҚР Парламенті Сенатының төрағасы:
– Жалпы, өткен жылы азаматтарымыздың конституциялық құқығының қорғалуына кепіл болатын жоғарғы орган – Конституциялық Сот жұмысын бастады.Мәжіліс пен мәслихат депутаттарының сайлауы әділ әрі ашық бәсекені нығайта түсетін жаңа ережелердің аясында өтті. Алғаш рет азаматтарымыз аудан және облыстық маңызы бар қала әкімдерін тікелей сайлады.Осы және өзге де жетістіктер мен бастамалар биылғы жылы да жоғары көрсеткіштерге қол жеткізуімізге берік негіз болады деп сенеміз.
Сондай-ақ, кездесуде аймақтың түрлі саласында қажырлы еңбек етіп, қоғамдық жұмыстарда белсенділік танытып жүрген жастар жиналды. Олар тұрмыстық зорлық-зомбылықпен күрес, білім мен мәдениет сияқты сан түрлі тақырып бойынша көкейде жүрген сауалдарын қойды.
МАДИНА ЕРКІНОВА, қоғам белсендісі:
– Кездесуде жастардың атынан біраз сауал қойдық. Тұшымды жауаптар алдық. Еліміздегі тұрмыстық зорлық-зомбылық фактілерінің орын алуы алаңдатып отыр. Статистикалық мәліметтерге сүйене отыра заңнамалық ұсыныс айтылды. Жастардың тарапынан дамытушы орта құру, ерте жүктілік проблемалары айтылып өтті.
Содан кейін сенат төрағасы өңірдегі ірі мұнай компанияларының басшыларымен кездесіп, өңдеуші өнеркәсіпті, экономиканың жаңа салаларын дамыту және инфрақұрылымдық жобаларды іске асыру мәселелерін талқылап, пікір алмасты.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал

Видео Ел экономикасының дамуында Атырау өңірінің маңызы зор канала Информбюро 31