Բռնցքամարտիկ Իսրայել Հակոբկոխյանն ամբաստանյալի աթոռին է

Հայտնի բռնցքամարտիկ Իսրայել Հակոբկոխյանը մեղադրվում է Երեւան քաղաքի Տպագրիչների փողոցի թիվ 13 շենքի թիվ 43 բնակարանի բնակիչ Դիանա Ստեփանյանի գույքը վնասելու մեջ։ Ըստ մեղադրանքի՝ նա դիտավորությամբ երեք անգամ ջուր է լցրել Դիանա Ստեփանյանի բնակարան, ինչի արդյունքում վերջինիս պատճառել է զգալի չափի` 88 հազար 814 ՀՀ դրամի գույքային վնաս: Վերջինիս նկատմամբ քաղաքից չհեռանալու մասին ստորագրությունն է ընտրվել որպես խափանման միջոց։

Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանում մեկնարկած այսօրվա դատական նիստը շատ կարճ տեւեց։ Տուժող Դիանա Ստեփանյանը արդեն երկրորդ անգամ չէր ներկայացել դատարան։ Թեեւ նախորդ դատական նիստի ժամանակ որոշում էր կայացվել նրան բերման ենթարկելու, սակայն տան դուռը փակ են գտել։

Видео Բռնցքամարտիկ Իսրայել Հակոբկոխյանն ամբաստանյալի աթոռին է канала A1plus