ՊՈւՏԻՆԸ ՀԱՍԿԱՑՐԵՑ, ԻՍԿ ԵՐԵՎԱՆԸ ՉՀԱՍԿԱՑԱՎ․ Այլևս Արցախի տերը Մոսկվան է․ Մեծ խաղ է գնում

Մինչ հայաստանյան հանրությունը փորձում է հասկանալ, թե ի՞նչ է կատարվում Սյունիքում, ինչպե՞ս է գծվում հայ-ադրբեջանական նոր սահմանը և ի՞նչ պայմաններով ու սկզբունքներով, Հայաստանի շուրջ աշխարհաքաղաքական օղակը սեղմվում է, Հայաստանի համար հակասական և բարդ հայտարարություններ են հնչում։
Դեկտեմբերի 18-ին տեղի ունեցող պուտինյան «Մեծ ասուլիս»-ն առանց Արցախյան թեմայի չանցավ՝ ՌԴ նախագահ Վլադիմիր Պուտինն իր ամենամյա ասուլիսի ընթացքում անդրադարձավ Ղարաբաղյան հրադադարի հայտարարության կարևորությանը, ռուսական շահերին, պայմանավորվածությունների պահպանման կարևորությանը՝ հադրության զարգացումների ֆոնին։
ՌԴ նախագահը պարզորոշ, առանց հայ-ռուսական հարաբերություններից կաշկանդվելու՝ նկարագրեց թուրքական դիրքորոշումն Արցախյան ողջ պատերազմի ընթացքում՝ ասելով, որ հրապարակայնորեն հայտարարված է, որ Թուրքիան, ինչպես իրենք են կարծում, պաշտպանել է Ադրբեջանի արդար գործը, հենց տարածքների վերադարձը, որոնք օկուպացվել էին ռազմական բախումների հետևանքով 1990-ական թթ․։ «Միջազգային իրավական տեսանկյունից՝ այդ բոլոր տարածքները հանդիսանում են Ադրբեջանի Հանրապետության անբաժանելի մասը։ Կրկնեմ ևս մեկ անգամ՝ ինքնին Հայաստանը ԼՂ-ի անկախությունը չի ճանաչել՝ հաշվի առնելով այդ հանգամանքը, ինքնին ԼՂ-ն միջազգային իրավական տեսանկյունից ևս Ադրբեջան է։ Բայց իրավիճակը, իմ կարծիքով, ավելի բարդ է, քան պարզ նորմատիվային պոստուլատները, այդ թվում՝ միջազգային իրավական։ Էթնիկական հակամարտության արմատները սկսվեց Սումգայիթից, ապա տեղափոխվեց ԼՂ, այստեղ յուրաքանչյուր կողմ իր ճշմարտությունն ունի, և ԼՂ հայերն այն ժամանակ տարածք են վերցրել, որպեսզի պաշտպանեն սեփական կյանքն ու արժանապատվությունը»,- ասաց Պուտինը։

Նյութի աղբյուր՝ 168.am,

#lurer #arcaxputin #pashinyanaliev #erevanmiting

Видео ՊՈւՏԻՆԸ ՀԱՍԿԱՑՐԵՑ, ԻՍԿ ԵՐԵՎԱՆԸ ՉՀԱՍԿԱՑԱՎ․ Այլևս Արցախի տերը Մոսկվան է․ Մեծ խաղ է գնում канала Banber News