Ағзаға тым зиян энергетикалық сусындардың орнын басатын шәй шығару қолға алынып жатыр

Жанар-жағармай бекеттерінде бензиннен бөлек тым жоғары сұраныстағы тауар түрі – энергетикалық сусындар екен. Жиі жол жүретін, көліктен түспейтіндер тұтынатын сусынға айналған өнімдердің адам ағзасына аса зиян екенін айтқан дәрігерлер, зиянды сусындардың кесірінен жүрек-қан тамырлары ауруы жасарып кетті деп дабыл қағуда. Ал, қазақстандық кәсіпкерлер кәдімгі қазақ даласында өсетін сұңғыла тамырынан энергетикалық сусынның орнын басатын шәй шығаруды қолға алған.
Алматыдағы наркологиялық орталықтың дәрігері Гүлмира Абдыбаева, бір күнде энергетикалық сусынның 5-6 бөтелкесін тауысатын адамдар – о баста сергектік үшін деп бір бөтелкеден ішіп бастағандар екенін айтады. Өйткені, адам ағзасына сергектікті энергетикалық сусын сырттан бермейді, өзінің ішіндегі қуатты тек үдете түседі де, бірте-бірте сол энергия таусылып, адам өзінің қалай бұл сусынға тәуелді болып қалғанын білмейді дейді.
ГҮЛМИРА АБДЫБАЕВА, Алматы медициналық-әлеуметтік түзету наркологиялық орталығының дәрігері:
– Егер де наркотикалық дәрілік заттар психостимулторлар деп айтсақ, бұл жеңіл стимулятор. Стимуляторлардың өзі организмге әсер етпей қалады. Сол кезде біз истощение дейміз. Организмнің әбден әлсізденуі дейміз, әр түрлі ауруларға әкеп соқтырады. Ең бірінші жүрек қан тамырлары аурулары деп айтсақ болады. Осы энергетикалық сусындардың ең көп зиянын тигізетіні жүрек қан тамыр ауруы, жүрек жүйесі.
Көбіне такси, автобус жүргізушілері әуес сусынға жастар да құмар. Салдарынан жүрек қан тамырлары аурулары, орталық ми жүйесіне қан құйылуының жастар арасында кездесуінің негізгі себебі осы деген дәрігер жанар-жағармай бекеттерінде сұраныс тым жоғары тауар осы энергетиктер екенін айтады. Мамандар, энергетика құрамында кофеиннен бөлек аталған ауруларды қоздырушы таурин, инозит, аминқышқылдары, рибоза секілді микроэлементтер барын айтады.
Ал қазақстандық кәсіпкерлер кәдімгі қазақ даласында өсетін сұңғыла шөбінің тамырынан энергетикалық сусындарды алмастыратын шай әзірлепті.
АРДАҚ ТӘУКЕБАЕВА, кәсіпкер:
– Тамырдың қасиеті, Жень-шеньді өмір эликсирі десек, сол Жень-шеньнен бес есе мықты дейді де. Бір жыл үзбей ішкен адамның бойында дерт қалмайды. Сол алтынға тұрарлық шөптің қызығын Жапония, Қытай елдері көріп жатыр.
Дәрігерлер болса, «энергетикалық сусынға сұранысты арттыру арқылы – жастарымызға ауруды сатып алып жатырмыз» деп дабыл қағуда. Айта кету керек, бүгінде Франция мен Германия елдерінде бұл сусындарды өндіруге мүлде тыйым салған.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал

Видео Ағзаға тым зиян энергетикалық сусындардың орнын басатын шәй шығару қолға алынып жатыр канала Информбюро 31