O'zbekiston-Qirg'iziston chegarasida: "Do'stlik" posti

Poytaxt Toshkentdan qariyb 400 km uzoqlikdagi Qirg'iziston chegarasiga yetib borguncha atrofdagi manzara bilan ovruldik. Yo'llar qanchalik yaxshilangan? O'zbekiston bo'ylab bir necha soatlik safarlarga chiqish bugun qanday?

Manzildamiz: 2003-2017 yillar orasida cheklangan tarzda faoliyat yuritgan "Do'stlik" o'tkazish punkti hozirda O'zbekiston va Qirg'iziston orasidagi eng yirik chegara va bojxona postidir. Jami besh millionga yaqin aholiga ega Andijon va O'sh viloyatlarini bog'laydi. O'tgan ikki yilda bu yerda yuz bergan o'zgarishlar haqida so'zlar ekan, o'zbekistonlik va qirg'izistonlik yo'lovchilar vaziyatni ko'zida yosh bilan izohlab beradi. "Ko'z tegmasin...", "Ishqilib rahbarlarimizning so'zlari o'zgarmasin...", "Til topishgani rost bo'lsin..." degan so'zlarni ko'p eshitdik. Ikki qo'liga 4-5 sumka-tugun ko'targan yuzlab odamlarni kuzatdik. Hamma tirikchilik dardida. Hayot oson emas, lekin chegara ochiq ekani ularning ishonchini va imkoniyatini oshirgan.

Видео O'zbekiston-Qirg'iziston chegarasida: "Do'stlik" posti канала @AmerikaOvozi