Келесда бузилаётган уйларнинг эгалари берилаётган бадал пулига рози эмас

Тошкент вилояти Келес шаҳридаги 36 та хонадон бузилмоқда

Бу хонадонлар ўрнида 7 ва 9 қаватлик уйлар, автомобиллар тўхташ жойи қурилиши, Келес йўли кўчаси кенгайтирилиши режалаштирилган.

Тошкент тумани ҳокимлиги раҳбариятининг айтишича, бузилишга тушган хонадонларда яшовчиларни кўчириш қонун доирасида, уларни рози қилган ҳолда амалга оширилмоқда.

Бироқ уйлари бузилаётган фуқаролар бунинг аксини айтишмоқда.

Бузилаётган хонадон эгаларининг айтишича, уларга ўзлари хоҳлаган жойдан ер майдонлари ажратилмаган. Таклиф этилаётган ҳудуддаги шароитлар уларни қониқтирмаяпти.

Фуқароларга кўра, уйлар бозор нархларидан паст баҳода нархланмоқда. Мустақил баҳоловчиларнинг баҳолашига имкон берилмаяпти.

Айрим уйлар эса ҳалигача баҳоланмаган.

Вазият ноаниқ бир вазиятда хонадон эгалари газ, сув, электрдан узилиши ҳақида огоҳлантирилган.

Ҳокимлик уйи бузилаётган фуқароларга вақтинча яшаб туришлари учун млн сўм квартира пули таклиф қилмоқда.

Одамлар бу пулга ўзлари яшаётган шароитларга эга уйларни ижарага ололмасликларини айтишмоқда.

Туман ҳокими Акбар Сулаймонов уйи бузилаётган келесликлар билан бир неча марта учрашган. Аммо томонлар муросага кела олишмаган.

Келесликлар уйлари ҳокимдан адолат қилишни, уйларини бозор нархида баҳолашларини талаб қилишмоқда.

"Уйларимизни бозор баҳосида сотиб олишга пуллари етмаса, унда бузишмасин!", дейишмоқда улар.

Видео Келесда бузилаётган уйларнинг эгалари берилаётган бадал пулига рози эмас канала MinbarUZ