🎼თამთა არაბული

ნათია ჭინჭარაულის ლექსი▶

მზე გამჭვირვალე ჭიუხების ჭებში ბრჭყვიალებს,
წელზე ეხსნება ოქროსფერი სხივთა ბალთები.
წინათ ღრუბლებმა იყიალეს, იხეტიალეს
და ზეწრებივით აიფარეს მთების კალთები.
აქ ჩვეულებრივ ტანსაცმელი ბალახის სუნით
გაგეჟღინთება და სიზმრები სხვის ძილს ბარდება.
შემოდის ნისლი ქისტეთიდან, როგორც მუსლიმი
და შენს თვალებთან შეხვედრისას ქრისტიანდება.
დრომოჭმულ მიწას წვიმა ალბათ ყელსღა დაულბობს,
წლების წვალება სწრაფლწარმავალ წყალმა წალეკა.
შენ ვერ გაიგებ, თუ არ ნახე რაზე ვსაუბრობ,
ქარი ვარსკვლავებს შეუბრუნდა გადმოსარეკად.

Видео 🎼თამთა არაბული канала NIKOLOZ KELENJERIDZE