БОКАЕВ VS ТОКАЕВ

Мәтінді жазған: ЖАҚСЫБЕК ҚАҚАН

Қазақтың Навальный жоқ, Навалньный жоқ деп налып едік, онымыз бекер екен. Біздің де Навальныйымз бар екен, құдайға шүкір! Орыс билігі яғни Путин режиімі кеше ғана Навальныйды 3 жарым жылға соттап жіберіп, өзі шығайын деп тұрған орыстың шегір көзін одан сайын көгертіп, шығарып жібергендей болды. Еуропадан орала сала қамаққа алынғаны бүкіл ресейді дұр сілкіндіріп, ұйқыдағы орман халқын бір сілкіп алса, кешегі орыс билігінің зорлықпен соттауы, саябырсып қалған халық қарсылығын қайта қоздырып жіберді. Кешелі бері орыс қоғамының асау толқындай аптығы басылмай, әлі аптығып тұр. Сонымен көк көз көрші көкелеріміз Навальныйын соттап жатса, өзіміздің қара көз көкелеріміз Макс Боқаев сынды арда азаматымызды кесімді уақыты толғасын, амалсыз түрмеден шығарып жаттты.

Жә, қазақтың қашанғы бір әдеті, өзгенің қаңсығына, таңсық бола қалатынымыз бар емес пе? Өзге елдің азаматы атойлап алға шықса, қашан біздікілер осылай болады екен деп аузымыздың суы құрып, өзімізден тұлға таппай сандалып қалатынымыз тағы бар емес пе?

Навальный демекші, оны біздің дәріптейік деген ойымыз жоқ. Оны кумир санап, кіршіксіз деп пәктеу де мақсатымыз жоқ. Шындығында олда бір жүрген шовенист орыстардың бірі, тек біздің оң жамбасқа келіп тұрған жері, биліктен, диктатор режімнен зорлық көріп, сол үшін халықтың билікке қарсы көтеріліп жатқан тұсы ғана. Қазіргі ТМД елдерінің бас аурулары өз биліктері болып отыр. Сырттан жау шауып, мылтық көтеріп кеп жатқан ешкім жоқ. Шіріген коммунистік идеологияның батпағынан шыға алмаған аға коммунист, партия мұшелерінің жүргізіп отырған жабайы саясаты, осы елдердің ең кедей елдер қатарына қосылуына зор "үлестерін" қосты. Навальныйдың да діттегені осы сұрқия жүйенің күйреуі, ақырласуы. Біздің де, ойы ашық, еркіндікке ұмтылған, ел болуды армандаған әр азаматтың көкірегін лаулатып жатқан да осы жүйеге деген қарсы күш.

Навальныйды қоялықта, өзіміздің Макс Боқаевқа көшелік.

Макс 2016 жылғы жерді шетелдіктерге сатуға қарсы митингі ұйымдастырушы ретінде бәрімізге таныс. Ол таныстық кейін қазақтың сүйем жерін қорғап қаламын деп, алаңға шыққаны үшін жасықсыз сотталып кетуімен тереңдеп, оны тіпті халықтың нағыз батыр ұлы ретінде дәріптеп кеттік.

Шындығында Макс Боқаев үлкен жүректі азамат. Ол тек жер дауында ғана атойлап шыға қалған жоқ, оған дейін де қоғамдық жұмыстарға белсене қатысып, Арон Атабек ағамыздың жазықсыз қамалғанына қарсы пикет ұйымдастырған. Тіпті 2010 жылдары АҚШ конгресінде өткен «Өндіруші салалар табысының ашықтығы мен адам құқығы арасындағы байланыс» қоғамдық тыңдауында Атыраудағы өндіруші компаниялардың қоршаған ортаға, адам өміріне тигізіп отырған зияны мен қауіп-қатері жайлы ағылшын тілінде баяндама жасады. Ол аз десеңіз 2011 жылғы "Жаңаөзен" уақиғасында да "Жаңаөзен-2011" қоғамдық комитетінің мүшесі ретінде сот поссесіне бастан-аяқ қатысқан. Осы секілді қазақ елінің саяси өміріне ауыр соққы болған, қазақтың жүрегін жаралаған қара таңба уақиғадардың еш қайсысынан шет қалмаған.

Мойындайық, қазақ тәуелсіздік алғалы 2016 жылғы бүкіл ел көлемін шарпыған, мыңдаған адам қатысқан толқу болған емес. Жер дауы биліктің сұрқия, жымысқы сатымсақ жоспарын қалай ашып берсе, Макс Боқаев пен Талғат Аян тұтатқан ереуіл дүмпуі, қазақ саяси өмірінің өшкіндеп жатқан, ұйқыға кеткен санасына сілкініс жасады. Осы жылдан бастап қазақ қоғамының билікке деген сенімсіздігі тіпті күшейіп, саясатқа деген белсенділігі лап етке отша қаулай қалған еді.

Қазақ екі ақ жерде атқа қонған, бірі жер дауында, екіншісі жесір дауында. Жер дауы ежелден қанға сіңген генетикалық ар-ұжданымызды шұқып оятып жібергендей. Ешқандай ұйымдастырусыз өз еркімен аттандап жатқан, ағайынның қарасы әр қаланың орталығына ағылып жатты. Қазақтан бұл мінезді күтпеген билік, асып-сасқаны сонша, жылдам қоғамдық талқылау ұйымдастырып, ары тартқылап-бері тартқылап, ақыры "бес жылға жерді шетелдіктерге сатпау және жалға бермеу" деп маратори жариялап барып жандары қалды. Биыл сол мараторидың уақыты бітеді, одан бұрын батыр азаматымыз Макс Боқаевтың абақтыдан аман есен шығып алғаны, ендігі билік пен халықтың жер туралы дауы не болады, қалай шешіледі деген сұрақ, көлденеңдей береді.

Біздіңше, Макстың кешегі шыға салып жасаған баяндамасы шынайы болса да, сәл асығыстық жасап жатқан сыңайды байқадық. Бір рет халықтық ереуіл ұйымдастырамын деп, 5 жыл отырып келген Максымыз ереуіл-митингілер сезонын бастайтын ниетін ашық айтты. Мәселе біздің халықтың омон келгенде қойша бытырап қаша жөнелетіні болмаса лидерлерін қорғауға жігерлері жетпей тайсақтап, бас қорғалап қалатындығы. Қандай митингі болса күшпен басуға тырысқан қауіпсіздік күштеріне лидерін ұстатып жіберетін ереуіл-митингілерден не пайда.
Толығырақ видеода...

Видео БОКАЕВ VS ТОКАЕВ канала Bontau TV