Композитор Владимир Серен “Чоннуң оглу - мөге Маадыр” деп ырның аялгазын чогааткан.

Тываның Арзылаң мөгези Маадыр Монгуш 1992 чылда, Моолдуң Баян-Өлгий аймака 128 мөгениң аразынга шүглүп үнгеш, шаңналга алган аъдын Ценгел сумузунда, аймактың Чаан мөгези, хөй ажы-төлдүг Таңгыт-оол Донгактың өг-бүлезинге белеке берген.
Чүгле кожа-хелбээ Моолга эвес, төрээн Тывазынга база шүүлгеш, үжүүрлешкеш, чаалап алган шаңналдарын Тес-Хем, Улуг-Хем кожуннарда хөй ажы-төлдүг өг-бүлелерге база Кызыл хоорайда өскүс уруглар бажыңынга белеке берип чораан, биче сеткилдиг болгаш топтуг-томаанныг аажы-чаңы-биле чоннуң хүндүткелин чаалап алган мөгелерниң бирээзи.
Ынчангаш-ла боор, Тыва Республиканың культуразының алдарлыг ажылдакчызы, Владимир Серенович Серен, “Чоннуң оглу - мөге Маадыр” деп ырның аялгазын чогааткан. Тываның Арзылаң мөгезинге тураскааткан ырның сөзүглелин Владимир Сереновичиниң өөнүң ишти Вера Өглүгеевна Серен бижээн, ырның баштайгы күүседикчизи Тыва Республиканың алдарлыг артизи Титов Комбуевич Санчат болган.

Видео Композитор Владимир Серен “Чоннуң оглу - мөге Маадыр” деп ырның аялгазын чогааткан. канала Телеканал Тува 24