ძვირადღირებული ძაღლი, რომელთა ყიდვაც მხოლოდ მდიდარ ხალხს შეუძლია

ყოველთვის კარგია, როცა სახლში ძაღლი გყავს. დღევანდელი ვიდეო ყველაზე ძვირადღირებულ ძაღლებზეა, რომელთა ყიდვაც მხოლოდ მდიდარ ადამიანებს შეუძლიათ.

1. ავღანური მწევარი
ავღანური ძაღლის ჯიში პირველად გამოიყვანეს რამდენიმე ათასი წლის წინ ავღანეთის, პაკისტანის და ჩრდილოეთ ინდოეთის მომთაბარე ხალხმა. მონადირის უნარების მქონე ავღანი გამოიყენებოდა როგორც ანტილოპებზე, ასევე ლეოპარდებზე სანადიროდ. მიუხედავად იმისა, რომ დღეს ბევრ ექსპერტს ეჭვი ეპარება, რომ ავღანის მსხვერპლები ლეოპარდებიც იყვნენ, თვითმხილველები ამბობენ, რომ ავღანები ლეოპარდებს კისერში წვდებიან და მათ ძვლებს თავიანთ ყბებში აქცევენ. როგორც შინაური ცხოველები, ისინი პოპულარულები გახდნენ 1979-იან წლებში და ადვილად მიხვდებით რატომაც. ეს ძაღლი აღიარებულია ერთ-ერთ ყველაზე ლამაზ ჯიშად ლამაზი ბეწვის და კუდის გამო. ასევე ყოველდღე საჭიროებენ დავარცხნას, რადგან მათი გრძელი ბეწვი ადვილად იხლართება. მათი შეძენა ახლავე შეგიძლიათ თუ მინიმუმ 7000 დოლარი გაქვთ, მაგრამ არ გეგონოთ, რომ მისი ხარჯები აქ მთავრდება. გარდა საკვების და ბეწვის დავარცხნასთან დაკავშირებული ხარჯებისა, უნდა გაითვალისწინოთ, რომ ისინი ბუნებრივად მიდრეკილები არიან კატარაქტისადმი, რაც თვალის ბროლის შემღვრევას ნიშნავს და იწვევს მხედველობის თანდათანობით დაქვეითებას მის სრულ დაკარგვამდე, და ასევე მიდრეკილები არიან ჰიპერთირეოზისადმი, რაც ფარისებრი ჯირკვლის ფუნქციის გაძლიერებას ნიშნავს, ამიტომ ამ ძაღლის მოვლა შეიძლება თვეში 3000 დოლარი დაგიჯდეთ. თუ მათი ყოლა გინდათ, გახსოვდეთ მათი ფასი.

2. ფარაონის ძაღლი
ძაღლის ეს ჯიში დაახლოებით ძველი წელთაღრიცხვით 3000 წლით თარიღდება. დიდი ხნის განმავლობაში არსებობდა მითქმა-მოთქმა, რომ ფარაონის ჯიში ეგვიპტიდან მოდის, მაგრამ ეს მოსაზრება არ დამტკიცდა. უახლესმა დნმ-ის ანალიზმა აჩვენა, რომ ეს ჯიში მალტიდან წარმოიშვა და აღმოჩნდა, რომ არა ფარაონების შინაური ცხოველი იყო, არამედ უბრალოდ კურდღლებზე სანადიროდ გამოიყენებოდა. ყოველ შემთხვევაში, ფარაონის ჯიში ბევრ ეგვიპტურ იეროგლიფზეა გამოსახული, რაც ადასტურებს იმ ფაქტს, რომ ფარაონის ძაღლი საუკუნეებია რაც არსებობს. ის საკმაოდ ათლეტური ჯიშია მოხდენილი სიარულით. მას ნადირობისთვის იყენებენ, რადგან ძლიერი ყნოსვის და სმენის უნარი აქვს. შეხედეთ მის ეგზოტიკურ და მეფურ გარეგნობას. მას ძალიან უყვარს თამაში, რადგან ბევრი ენერგია აქვს. გაინტერესებთ რა თანხა უნდა გქონდეთ მის შესაძენად? სულ რაღაც 7500 დოლარი და ამ ფასში რა თქმა უნდა არ შედის მისი შენახვის ხარჯები.

3. კანადური ესკიმოსური ძაღლი
კანადური ესკიმოსური ძაღლი ერთ-ერთი ყველაზე იშვიათი ჯიშია მსოფლიოში. 2018 წლის მონაცემებით მხოლოდ 300 მათგანია დარჩენილი და ამჟამად გადაშენების პირას იმყოფება. ისინი ციმბირიდან ჩრდილოეთ ამერიკაში გადაიყვანეს დაახლოებით 1000 წლის წინ და 1960 წლიდან მათი რიცხვი უფრო და უფრო მცირდება. რადგანაც იშვიათი ჯიშია, საკმაოდ ძვირიც ღირს. მათი ლეკვები 8750 დოლარი ღირს, რაც დღევანდელ ვიდეოში ნახსენებ სხვა ძაღლებზე ოდნავ მეტია, მაგრამ თუ დაუმატებთ ჯანმრთელობის და შენახვის ხარჯებს, ეს ფასი საგრძნობლად აიწევს. ეს ჯიში მიდრეკილია შემდეგი დაავადებებისკენ: კუჭის დაავადებები, ენტროპიონი ანუ ქუთუთოს გადმობრუნება, სითბოს აუტანლობა და ართრიტი. მხოლოდ მისი მაღალი ფასი და შენახვის ხარჯები არ აქცევს მას არასასურველ შინაურ ცხოველად, თუ უბრალოდ შინაური ცხოველი გინდათ, ეს ჯიში არ გამოგადგებათ. მათ ოდნავ შეწუხებაზეც კი მეტისმეტად მწვავე რეაქცია აქვთ, ამიტომ არ არიან იდეალურები ისეთი ოჯახებისთვის, რომლებსაც ბავშვები ჰყავთ.
...

Видео ძვირადღირებული ძაღლი, რომელთა ყიდვაც მხოლოდ მდიდარ ხალხს შეუძლია канала GeFacts TV