Дзæуджыхъæуы электроникæйы колледжы сарæзтой ирон æвзаг æмæ литературæйы бонимæ баст фестиваль

8 командæйы, 12 раунды æмæ æрмæст иу уæлахиздзау. Дзæуджыхъæуы сарæзтой спортивон фестиваль "По следам Нартов", зæгъгæ. Уыдис дзы зын хæслæвæрдтæ, уыци-уыцитæ, æркастытæ. Уæлдай тынгдæр фæсивæды сцымыдис кодта квест. Мадзалы алы бæстыхай дæр уыд Нарты кадджыты хъайтартимæ баст. Зæгъæм, хъуыд дзы уацарæй хи суæгъд кæнын, кæнæ та Æфсатиимæ ахъазын. Хъæддаг сырдты бардуаг æрцæттæ кодта бирæ цæлхдуртимæ хæслæвæрдтæ фæсивæдæн. Куы сæ-иу базыдтой, уæд сын иу иннæ къæпхæнмæ дуар байгом. Сæрæндæр къордтæн лæвæрдтой бур цæфхæдтæ. Квесты фæстæ та сывæллæттæм æнхъæлмæ каст цымыдисаг брейн-ринг. Фестивалы фæлгæты ма æрныхас кодтой фæсивæдимæ æгъдауы фарстатыл. Дзæуджыхъæуы электроникæйы колледж сбаста ацы мадзал ирон æвзаг æмæ литературæйы бонимæ.

Видео Дзæуджыхъæуы электроникæйы колледжы сарæзтой ирон æвзаг æмæ литературæйы бонимæ баст фестиваль автора IRYSTONTV