ኃይሉ ዮሐንስ እና ካሳሁን ለማ፤ የመታወቅና ማስተዋወቅ አባዜ።

ኃይሉ ዮሐንስ እና ካሳሁን ለማ፤

የመታወቅና የማስተዋወቅ አባዜ።

ከመናፍቃን ብቻ ሳይሆን ከአስተዋዋቂዎቻቸውም እንጠንቀቅ።

ኃይሉ በዚህ ቪድዮ እኔን፥ 'እነዚህ ሰዎች' እያለ በብዙ ሲናገር፥ እነሱን፥ በዚያ ጉባኤ የታደሙትን የኑፋቄ አስተማሪዎች ሁሉ ደግሞ በራሱ ጠቅልሎ፥ 'እኔ' እያለ ነው የተናገረው። ይህ የአማርኛ ሰዋሰው መደበላለቅ ወይም የአመለካከት መዛነፍ ነው። ለጂማ ምዕመናን ሁሉ ሳይቀር የተጻፈውን፥ 'ለኔ የተጻፈ ጥቅስ ነው' በማለት ራሱን የሌለ ጥቃት ሰለባ እያደረገ ይመስላል። የሐሰት አስተማሪነቱን በተደጋጋሚ ለመግለጥ ጥረት አድርጌአለሁና ያንን፥ 'ለኔ የተቃጣ ነው' ማለት ይችላል። ይህ ግን ልብ ለመብላት የተደረገ ሙከራ ነው።

"ማንም የማይሰማቸው፥ ተሰሚነት የሌላቸው፥ የስም ማጥፋት ሚኒስትሪ የከፈቱና የሚንቀሳቀሱ፥ የትም ቦታ አገልግሎት ተጋብዘው የማያውቁ፥ አንድ ትምህርት ጀምረው መጨረስ የማይችሉ።" ብሏል።

እርሱ እንዳለው ይህ፥ 'ስም የማጥፋት ሚኒስትሪ' ሳይሆን የማስጠንቀቅ ተግባር ነው። ስም ማጥፋትን ደጋግሞ ከዚህ በፊትም ተናግሮታል። ስም ማጥፋት እኮ በውሸት በአንድ ሰው ላይ መናገር ነው። ስለ ኃይሉ የቀረቡት ምስክሮች እኮ ራሱ የተናገራቸው፥ የራሱ ድምጾችና ምስሎች ናቸው። ይህንን እንዴት ነው ስም ማጥፋት የሚባለው?

ሐሰትን ለመግለጥ መስፈርቱም ተጋብዞ ማወቅ ወይም ትምህርት ጀምሮ መጨረስ አይደለም። ለነገሩ፥ እዚህ ሰፈር ያሉት ሰዎች ትምህርት ጀምሮ ባለመጨረስ ወይም ተጋብዞ ባለማወቅ የሚታሙ አይደሉም። እዚህ ያሉት ሰዎች ብዙ መጻሕፍትን በመጻፍ፥ በተከታታይ ሳምንታትና ወራት የፈጁ ትምህርቶችን በማስተማር የተመሰገኑ ሰዎች ናቸው።

ካሳሁንስ? ካሳሁንን በመድረክ አስተዋዋቂነት ባናውቀው ጥሩ ነበረ። ሌላው ቢቀር በመዝሙሮቹ እንዳወቅነው ቢቀር ጥሩ ነበር። ይህኛውን ከሆነ መቸስ ምን ይደረጋል?

ቪድዮው እነሆ፤

ዘላለም ነኝ።

Видео ኃይሉ ዮሐንስ እና ካሳሁን ለማ፤ የመታወቅና ማስተዋወቅ አባዜ። канала Zelalem Mengistu