Ismlar manosi 3-qism/Хали сиз эшитмаган исмлар

Асалому алейкум. Исмлар маъноси дастурининг навбатдаги сони сизларнинг диккат марказингизда. Куплаб талабларга кура эндиликда угил боллар ва киз боллар исмларини биргаликда бериб боришга карор килдик.
Демак дастуримизни кизлар исми билан бошлаймиз.

Мубашира Арабча
Қувончли хабар етказувчи деганидир. Кўнгилни тоғдек кўтариб, барчага энг яхши тилак ҳамда хабарларни улашувчи оқила қиз бўлсин маъносида қўлланади .

Самида Арабча
Ҳеч кимга қарам бўлмайдиган мағрур, виқорли ҳамда ор-номуси кучли қиз бўлсин маъносини англатади.

Амалия ўзбекча, қадимий туркийча
Ишонч, умид, ожиза, энг аълоси деган маънони англатади. Ожиза аёл бўлишига қарамай, доимо умид билан яшайдиган, кучли инсон бўлиб вояга етсин деган ниятда қўйилади.

Диляра ўзбекча, қадимий туркийча
Қалб, юракка малҳам, дилни яйратувчи деганидир. Барчанинг дардига малҳам бўлувчи, юракни орзиқтириб, қалбни қувончга тўлдирувчи қиз бўлсин маъносини англатади.

Айдана КелибЧиқишиАниқланмаган
Ой каби осмонда чарақлаб, барчанинг йўлини ёруғ қилиб, порлаб турсин маъносини англатади.

Мурсалина Арабча
"Хабарчи" маъносини англатиб, яхши хушхабрлар келтирувчи хосиятли қиз бўлсин деганидир.

Музаяна ўзбекча, қадимий туркийча
Безанган, чиройли деган маънони англатиб, кўзни қамаштирувчи гўзаликка эга бўлсин деган ниятда қўлланилади.

Ясира Арабча
Осон, енгил деган маънони англатиб, қушдай енгил бўлиб, қадамидан ўт чақнайдиган уддабурон инсон бўлсин маъносида қўлланилади.

Суҳайло Арабча, ўзбекча Форс-тожикча
Юлдуз маъносини англатиб, доимо ҳаёти ёруғ ҳамда нурафшон бўлсин маъносида қўлланилади.

Тасмина Форс-тожикча, қадимий яҳудийча
Жасмина исмидан келиб чиқиб, "жасмин гули" маъносини англатади.
Салама Арабча
Ишонч, тинчлик деганидир. Шунингдек, Умму Салама Қурайишнинг насаблик хотинлардан бўлиб, ўз қавми ичида хурмат ва обрўга эга бўлган аёллардан бири бўлган.

Мунзила Арабча
Қадр-қиммати баланд, обрў-эътиборга лойиқ инсон бўлсин маъносини англатади.

Самиҳа Арабча
Қўли очиқ, самимий, ҳақиқатгўй, карами кенг деган маънони англатади.

Сумбула Форс-тожикча
"Сумбул-гул" маъносини англатиб, доимо гулдек гўзал ҳамда навқирон бўлиб юрсин маъносида қўйилади.

Гулафзо Ўзбекча, форс-тожикча
Гул, ҳаммадан зиёда, яъни энг аъло деган маънони англатади. Ҳаётда оқила, мўмин, муслима бўлиб, яхши инсон бўлсин маъносида

Муҳаммадимрон Арабча
Муҳаммад ва имрон исмларидан бирикиб ҳосил бўлган ном. Муҳаммад - мақтовга, олқишларга сазовор маъносини англатади, Пайғамбаримиз (саллолоҳу алайҳи вассалам) исмлари; Имрон - тириклик, барҳаётлик, боқийлик, узоқ умр кўрувчи, иймонли, эътиқодли, жасур, кўп яшовчи маъносини англатади. Қуръонда Марямнинг отасининг исми ҳамда Исонинг бобосининг номи бўлган

Ирфон Форс-тожикча, Ўзбекча


Муҳаммадясин Арабча
Муҳаммад ва Ясин исмларидан бирикиб ҳосил бўлган ном. Муҳаммад - мақтовга, олқишларга сазовор, Пайғамбаримиз (саллолоҳу алайҳи вассалам) исмлари; Ясин - иймонли, эътиқодли бўлсин, дин юрагида бўлсин маъносида ҳам қўйилади. Қуръони Каримда келтирилган "Ёсин" сурасига (Қуръоннинг юраги) нисбат олиб қўйилган.

Муҳаммадяҳё Арабча
Муҳаммад ва Яҳё исмларининг бирикувидан хосил бўлган ном. Муҳаммад - мақтовга, олқишларга сазовор, Пайғамбаримиз (саллолоҳу алайҳи вассалам) исмлари. Яҳё - ўта саҳий, мурувватли, очиқ қўл, бағри кенг; яшовчи, барҳаёт, ҳаётий ёки ҳушхулқ, инсонга дўст. Пайғамбарлардан бирининг исми.
Муҳаммадамир Арабча
Муҳаммад ва Амир исмларидан бирикиб ҳосил бўлган ном. Муҳаммад - мақтовга, олқишларга сазовор, Пайғамбаримиз (саллолоҳу алайҳи вассалам) исмлари; Амир бу - подишоҳ демакдир.

Спитамен Форс-тожикча
Мард инсон деган маънони англатадм. Спитамен милоддан аввалги (327-370) Искандра Зулқарнайга қарши муваффақиятли курашган қўмондон.

Ровзат Арабча, форс-тожикча
Арабча Равза исмига маънодош бўлиб, "боғ, гулзор, жаннат мевалари" деган маънони англатади.

Мадрахим ўзбекча, форс-тожикча
Муҳаммадрахим исмига маънодош бўлиб, Муҳаммад (с.а.в)нинг номи билан боғланган ҳолда, энг улуғ инсон, раҳмдил маъносини англатади.

Инкар Арабча
Соғинч, узоқ кутилган деганидир. Яна бир маъноси ҳақиқатни инкор этиш, ишончсизлик деганидир.

Исро Арабча
Тунги саёҳат, Қуръонда суранинг номи Бани Исроил номи билан ҳам боғлиқ.

Алиусмон Арабча
Алининг маъноси - энг юксак, энг улуғ, олий, юқори мартабали. Бу ном Муҳаммад пайғамбарнинг куёви, тўртинчи халифанинг исмидир. Усмон - синиқчи, синганларни даволовчи, шикастбанд ёки оғир, босиқ, мард, жасур. Бу ном Усмон ибн Аффон (614-656 йиллар) чорёрлар деб юритилувчи ҳалифаларнинг учинчисининг исми.

Муҳаммадраҳим арабча
Пайғамбаримиз Муҳаммад саллолоҳу алайҳи вассалламнинг номларидан олинган. Шунингдек, унга қўшимча қилган ҳолда саховатли, раҳмдил инсон бўлсин маъносида

Маликшох Форс-тожикча
Ўз номи ила шохлардек улуғвор, салобатли бўлсин маъносида.

Иқбол ўзбекча, арабча, форс-тожикча
Бахт, фаровонлик, омад, муваффақият маъносини англатади. Бахтли-тахтли, ҳаёти фаровонликда ўтиб, муваффақиятлар доимо йўлдоши бўлсин маъносида.

Видео Ismlar manosi 3-qism/Хали сиз эшитмаган исмлар канала SADAF Media