ಜ್ಞಾನಶಕ್ತಿಗೆ ಯಕ್ಷಕಾವ್ಯದ ಜ್ಞಾನಾರಾಧನೆ - ೬ (ಪಟ್ಲ ಕನ್ನಡಿಕಟ್ಟೆ ಪುಣಿಚಿತ್ತಾಯ)

ಆರನ್ನೂ ಮೂರನ್ನೂ ಮೆಟ್ಟಿನಿಂತ ಆರು ಮೊಗದ ಕುಮಾರ ಕಲಾ ವೇದಪ್ರಿಯ ನಟರಾಜನ ಮಗನಾದ ಈತನೂ ವಿಶ್ವದ ನಾದದೊಳಗೆ ವೇದವಾಗಿದ್ದಾನೆ. ಅವನನ್ನು ಯಕ್ಷಗಾನದ ಗಾನ ಗಾಂಭೀರ್ಯದ ಮೃದುಮಧುರ-ನಾದಮೋದಗಳ, ಜ್ಞಾನ-ಧ್ಯಾನಗಳ ಭಕ್ತಿಯ ಸಶಕ್ತ ಸಂಯೋಗದಲ್ಲಿ ಆರಾಧಿಸುವ ಸಂಕಲ್ಪವೇ ಈ ಕಾರ್ಯಕ್ರಮ.
ಕನ್ನಡದ ನೆಲದಬ್ಬೆಯ ಹೊನ್ನುಡಿಯ ಚೆನ್ನುಡಿಯ ಚೆಂಗದಿರ ನಂದಳಿಕೆಯ ಕವಿ ಮುದ್ದಣ್ಣ, ಸೊಗಬಿಗುವಿನ ಶಬ್ದ ಚಮತ್ಕೃತಿಯ ಅರ್ಥಸುಕೃತಿಯ ತನ್ನ ಕೃತಿಗಳಲ್ಲಿ ಭಾಷೆಯ ಬಾನ್ಬೊಚ್ಚವನ್ನು ಹರಿಸಿದ ಮುದ್ದಣ್ಣ, ಕಬ್ಬಗಳ ಹೊಂಬೆಳಕು. ಅವನ ಅತ್ಯುತ್ತಮವಾದ ಹಲವು ಕೃತಿಗಳಲ್ಲಿ "ಕುಮಾರ ವಿಜಯ" ಯಕ್ಷಗಾನ ಪ್ರಸಂಗವೂ ಒಂದು. ನಾದಾಹ್ಲಾದ ಪದಮೈತ್ರಿಯ ಅರ್ಥಸೌಂದರ್ಯದ ಸುಂದರ ಪದ್ಯಧಾಮಗಳು ಇಲ್ಲಿವೆ. ಇಲ್ಲಿ ಭಾವವಿಹಂಗಮಗಳು ಜ್ಞಾನದ ವಿಯದ್ ವಿಸ್ತೀರ್ಣದಲ್ಲಿ ಹಾರುತ್ತ ಸೂರಿಗಳ ಮನಸೂರೆಗೊಳ್ಳುತ್ತಿದೆ. ಇಲ್ಲಿ ಛಂದಃ ಸರಸ್ವತಿ ನಾಟ್ಯವಾಡುತ್ತಿದ್ದಾಳೆ.
ಈ ಮಹಾಕವಿಯ "ಕುಮಾರ ವಿಜಯ" ಪ್ರಸಂಗದ ಹಾಡುಗಳಿಂದಲೇ ಶರವಣ ದೇವನ ಆರಾಧನೆ ನಡೆದಿದೆ. ತೆಂಕುತಿಟ್ಟು ಯಕ್ಷಗಾನ ರಂಗ ಭೂಮಿಯ ಇಪ್ಪತ್ತೆರೆಡು ಭಾಗವತರು ಗಾನವೇದದಿಂದ ಜ್ಞಾನಶಕ್ತಿಯನ್ನು ಅರ್ಚಿಸಿದ್ದಾರೆ.
15.08.2015ರಂದು ಶ್ರೀ ಕ್ಷೇತ್ರದ ಶಾರಧ್ವತ ಯಜ್ಞಾಂಗಣದಲ್ಲಿ ನಡೆದ ಈ ಗಾನಾರಾಧನೆಯ ಜ್ಞಾನಸತ್ರದ ದೃಶ್ಯಾವಳಿ ಸರಣಿಯನ್ನು ನಿಮ್ಮ ಮುಂದಿಡುತ್ತಿದ್ದೇವೆ.
ಈ ಭಾಗದಲ್ಲಿ ಶ್ರೀಯುತರಾದ ಪಟ್ಲ ಸತೀಶ್ ಶೆಟ್ಟಿ, ರವಿಚಂದ್ರ ಕನ್ನಡಿಕಟ್ಟೆ , ಸತ್ಯನಾರಾಯಣ ಪುಣಿಚಿತ್ತಾಯ, ಪದ್ಮನಾಭ ಉಪಾಧ್ಯಾಯ, ಚೈತನ್ಯಕೃಷ್ಣ ಪದ್ಯಾಣ ಮತ್ತು ರಾಜೇಂದ್ರ ಕೃಷ್ಣ ಭಾಗವಹಿಸಿದ್ದರು.
ನಿರೂಪಣೆ: ಉಜಿರೆ ಅಶೋಕ್ ಭಟ್

#pavanje #yakshagana #jnanashakthi #subrahmanya #nandalike #muddanna #kumara #vijaya #bhagavatha #sjsstemple #gana #aradhane #music #classic #tradition #folk #art #culture #karavali #chande #maddale #chakratala #padyana #patla #satish #shetty #kannadikatte #ravichandra #punichittaya #padmanabha #upadhyaya #chaithanyakrishna #ಯಕ್ಷಗಾನ

Видео ಜ್ಞಾನಶಕ್ತಿಗೆ ಯಕ್ಷಕಾವ್ಯದ ಜ್ಞಾನಾರಾಧನೆ - ೬ (ಪಟ್ಲ ಕನ್ನಡಿಕಟ್ಟೆ ಪುಣಿಚಿತ್ತಾಯ) канала Shri Jnanashakthi Subrahmanyaswami Temple, Pavanje