Արա Նախշքարյան. ԴՐՈՇՄ ՀԱՅԿԱԿԱՆ

ԴՐՈՇՄ ՀԱՅԿԱԿԱՆ

Ձեր զավակներին, երբ ծնվեն նրանք,
Դուք Վրեժ կոչեք,
Որ արդարության ձեռքը չդողա,
Ու ոգին ապրի արժանապատիվ։
Եւ Պայքար դրեք անունը նրանց,
Որ խեղճության շապիկ չհագնի,
Միշտ ըմբոստ մնա։
Շանթ դրեք անունը ձեր լույս զավակի,
Թող խառնի երկինքը խաղով կրակի։
Վահան անվանեք, թող ասպար լինի,
Որ Հայրենիքը չարից պաշտպանի։
Անվանակոչեք, ու կանչեք Ազատ,
Որ ազատ ճախրեն լեռներից վերեւ։
Անունը նրանց՝ Արեգ դրոշմեք,
Որ ձեր երկնքում միշտ լույս ճառագի։
Ու Պարգեւ, Ընծա,
Նրանք շնորհ են Մայր Հայրնիքին։
Անունը նրանց՝ Արա կնիքեք,
Հարություն կառնեն, երբ էլ մահանան։

Արա Նախշքարյան

Видео Արա Նախշքարյան. ԴՐՈՇՄ ՀԱՅԿԱԿԱՆ канала Ara Nakhshkaryan