ချင်း(ဂျင်း) ကြက်မှိုကြော် Ginger Chicken

ချင်း(ဂျင်း)ရနံ့မွှေးမွှေးလေး၊ ကြွက်နားရွက်မှိုရဲ့ ကြွပ်ကြွပ်လေးနဲ့ ခပ်စပ်စပ်လေး စားကောင်းတဲ့ ဟင်းလေးတခွက်ပါ။ ထိုင်းဟင်းချက်နည်းကို အနည်းငယ်လေးပြောင်းထားပါတယ်ခင်ဗျာ။

ပါဝင်ပစ္စည်းများ
အရိုးထွင်ထားတဲ့ ကြက်ပေါင် တချောင်း ကို တကိုက်စာအချောင်းရှည်ရှည်လေးလေလှီးထားပါ။
အသားနှပ်ဖို့အတွက်
ကော်မှုန့် + ဟင်းချက်အရက် + ပဲငံပြာရည်အကြည် = ၁ ဇွန်း (စားပွဲတင်ဇွန်း) စီထည့်ပြီးအရသာနှပ်ထားပေးပါ။ မိနစ် ၃၀ လောက်နှပ်ထားပေးပါ။
ချင်း (ဂျင်း) ကို ပါးပါးရှည်ရှည်လေး လှီးဖြတ်ပေးထားပါ။ လက် ၂ ဆစ်စာလောက်သုံးပါတယ်။
ဂျပန်ရှိတာကေ မှို ခြောက် - အနည်းငယ် နဲ့
ကြကွ်နားရွက်မှို - အနည်းငယ် ကို ရေဆေးပြီး ရေကြိုစိမ်ပေးထားရပါမယ်။

ဒယ်အိုးထဲမှာ ဆီ ကို စားပွဲတင်ဇွန်း ၃ ဇွန်းစာထည့်ပြီး ဓားပြားရိုက်ထားတဲ့
ကြက်သွန်ဖြူ -အနည်းငယ် ကိုမွှေးလာအောင်ဆီသတ်ပေးပါ။ အသားတွေ ကျက်လာပြီဆိုရင်
ငရုတ်သီးခြောက် - အနည်းငယ်
နာနတ်ပွင့် - ၁ ပွင့်
ထည့်ပြီးမွှေပါမယ်။
တရုတ်ပဲငပိအစပ် - ၁ ဇွန်း (စားပွဲတင်ဇွန်း)
သကြား - လက်ဖက်ရည်ဇွန်း ၁ ဇွန်း
ခရုဆီ - အနည်းငယ်
ပဲငံပြာရည် - အနည်းငယ်
ထည့်ပြီး မွှေပေးပါ။ အနည်းငယ်မွှေပေးပြီးရင် ပါးပါးလှီးထားတဲ့ ချင်း (ဂျင်း)နဲ့ ရေစိမ်ထားတဲ့မှိုတွေထည့်ပေးပါ။ အကြာကြီးကြော်စရာမလိုဘဲ ခဏလေးကြော်ပြီးရင် နောက်ဆုံးမှာမှ နှမ်းဆီအနည်းငယ်ထည့်ပေးရင် ချင်း(ဂျင်း)ကြက်မှိုကြော်လေးကို သုံးဆောင်နိုင်ပြီဖြစ်ပါတယ်ခင်ဗျာ...

Видео ချင်း(ဂျင်း) ကြက်မှိုကြော် Ginger Chicken канала Cook for K1