«Елге қызмет – абыройлы міндет» жобасы сәтті басталды

«Елге қызмет – абыройлы міндет» жобасы сәтті басталды, Ақмола облысы «Жастар-ресурстық орталығы» МКМ @aqmola_jro басшысы Дастан Ермеков @dastan_amangeldinovich хабарлайды.

Ағымдағы жылдың басынан Ақмола облыстық мәслихатының депутаты Умар Шоназаровтың бастамасымен облыстық Жастар-ресурстық орталығы ішкі саясат басқармасының қолдауымен «Елге қызмет – абыройлы міндет» жобасын бастаған болатын. Жақында бірінші тоқсанда атқарылған жұмыстың қорытындысы шығарыды.

Кеңес барысында ішкі саясат басқармасы басшысының орынбасары Сабырхан Кенжебаевтың қатысуымен полиция департаментінің, қорғаныс басқармасының, білім басқармасының өкілдері тыңдалды.
Жоба аясында Жастар-ресурстық орталығы 6 ұйыммен меморандумға қол қойған болатын. Полиция департаментіне 81 адам, төтенше жағдайлар департаментіне 36 адам, облыс бойынша келісімшарттық қызметке 453 адам жұмысқа орналастырылды.

У. Шоназаровтың мәліметінше, алдағы уақытта өңірлік жастар ресурстық орталықтарымен бірлесіп аудандық мекемелермен меморандумдар жасасу, дөңгелек үстелдер мен бос орындар жәрмеңкелерін ұйымдастыру, өмірлік маңызды дағдылар бойынша тренингтер өткізу жоспарлануда.

Ақмола облыстық мәслихатының баспасөз қызметі ақпаратты

Видео «Елге қызмет – абыройлы міндет» жобасы сәтті басталды канала 716 kz